Ndihet mungesa e futbollistëve

Ndihet mungesa e futbollistëve

Fehmi Podvorica
Augsburg: FC Atdheu – TV Gogingen 1:3



Skuadra më e re shqiptare në Gjermani që u formua sivjet, FC Atdheu nga Augsburgu në ndeshjen e dytë të sezonit pësoi humbje para shikuesve të vet, pasi që u mund nga TV Gogingen me rezultat 1:3. Autor i golit të vetëm ishte Gjon Berisha në minutën 35.
FC Atdheu: Berisha, Haradini, G. Murseli, Musa, Morina, L. Elezaj, Gj. Berisha, S. Murseli, Salihu, B. Elezaj dhe Podvorica.
Trajner: Fehmi Podvorica.
Sezoni i parë në gara zyrtare për FC Atdheu nga Augsburgu mund të mirret si relativisht i suksesshëm. Pas fitorës së parë në ndeshjn e parë me rezultat 3:2, kjo skuadër në javën e dytë u mund me rezultat 3:1. Në këtë ndeshje mysafirët u treguan me të etshëm për fitore dhe në sajë të lojës më angazhuese e mundën skuadrën shqiptare e cila sikurse në ndeshjen e parë edhe në këtë të dytën u ballafaqua me mungën e lojtarëve, pasi që disa prej tyre ende nuk janë kthyer nga pushimet verore që po i kalojnë në Kosovë.
Porse edhe ky sukses i përgjysmuar për këtë skuadër që sivjet startoi në gara zyrtare nuk duhet nënçmuar sidomos kur dihet se në përbërjen e saj po mungojnë disa futbollistë. Kjo skuadër testimin e saj të parë e pati sivjet në garën për Kupën e Kosovës në Gjermani ku u prezantua si skuadër mjaft solide dhe e disiplinuar për çka edhe nga organizatori i garës, FFSHGJ-ja, u shpall si ekipi më Fair-Play.