Beogradi dhe Shkupi skenar kundër Kosovës

Beogradi dhe Shkupi skenar kundër Kosovës

Cila është marrëveshja midis qeverive të Beogradit dhe Shkupit për të rrënuar imazhin e Kosovës dhe shtyerjen e marrëdhënieve diplomatike.



Betimi i liderëve sllav(serbo-maqedonas) kundër shtetit të Kosovës.
Ish-kandidati presidencial maqedonas nga radhët e LSDM-së opozitare, Lubomir Frçkovski gjithashtu vlerëson se vizita e fundit e Gruevskit në Beograd është pjesë e skenarit që të margjinalizohen marrëdhëniet me Kosovën.


Shtyerja e vendosjes së marrëdhënieve diplomatike me Kosovën ka nxjerrur në pah edhe shumë dilema dhe prapaskena për lojën e Beogradit dhe Shkupit për të rrënuar imazhin e shtetit të ri-Republikës së Kosovës. Qarqe politike opozitare në Shkup kanë detektuar lojërat dhe skenaret e rrezikshme të këtyre dy vendeve për të izoluar Kosovën në mënyrë të heshtur.Qeveria maqedonase po hesht përballë fakteve të shpalosura nga qarqet opozitare.
{roshja e imazhit të mirë qe ka Kosova mbetet ne një mision të ndërmarrë së fundi nga vizitat e fundit të Gruevskit në Beograd, ku ai zhvilloi takime larg mediave me Tadiçin dhe udhëheqës të lartë serb, ku siç bëhet e ditur në agjendë ka qenë pikërisht edhe Kosova.
Ish-kandidati presidencial maqedonas nga radhët e LSDM-së opozitare, Lubomir Frçkovski gjithashtu vlerëson se vizita e fundit e Gruevskit në Beograd është pjesë e skenarit që të margjinalizohen marrëdhëniet me Kosovën. “Vizita e fundit e ekipit qeveritar në Beograd, është një kusht i dhënë aty që të mos zhvillohen marrëdhëniet me Kosovën dhe të lihen anash. Ky është një moment politik që duhet të vlerësohet se përse kjo Qeveri po e bën këtë“, ka theksuar profesori universitar Fërçkovski.
Të vërtetën për kalkulimet midis Beogradit dhe Shkupit për Kosovën e konfirmuan drejtuesit e dy forcave më të mëdha politike opozitare PDSH-ja nga partitë shqiptare dhe LSDM-ja nga partitë maqedonase. Nënkryetari i PDSH-së, Abdyladi Vejseli alarmoi qartë se Maqedonia në mënyrë tendencioze po shtyen mosvendosjen e marrëdhënieve diplomatike me Kosovën, ndërsa kjo sipas tij po bëhet për hir të Beogradit dhe inskenimeve të tjera me këtë vend fqinj. Poashtu tre ditë më parë edhe deputeti dhe anëtari i lartë i LSDM-së, Vllado Buçkovski deklaroi hapur lojën e qartë midis Beogradit dhe Shkupit kundër Kosovës. ”Është e qartë se Maqedonia po kalkulon me vendosjen e marrëdhënieve të plota diplomatike me Kosovën.
„Sipas mendimit tim, kjo ndodh për shkak të ngrohjes së marrëdhënieve me Beogradin dhe pas dërgimit të sërishëm të ambasadorit maqedonas atje“, ka theksuar ish-kryeministri Buçkovski.
Qeveria e Maqedonisë ende nuk i është përgjigjur këtyre vlerësimeve dhe pohimeve alarmuese të dhëna nga faktorë relevantë politik, por edhe nga qarqet analitike. Partitë shqiptare opozitare kërkuan sqarime për këto çështje pikërisht nga faktori politik shqiptar në qeveri, në këtë rast BDI-ja, e cila gjithashtu po vazhdon të jetë e heshtur.