KF0R-i gjithmonë i gatshëm të ndihmojë Kosovën

KF0R-i gjithmonë i gatshëm të ndihmojë Kosovën

Bota sot
Komandanti i Task Forcës Shumëkombëshe 'Veri', gjenerali francez Patrick Ribayrol, ia ka dorëzuar kryetarit të komunës së Mitrovicës, Bajram Rexhepit çelësat e pjesës së objektit të Qendrës së Kulturës “Rexhep Mitrovica“, të cilën ushtarët e KFOR-it e kanë shfrytëzuar për nevojat e tyre që nga përfundimi i luftës.



Kryetari Rexhepi tha se në objektin e Qendrës së Kulturës ”Rexhep Mitrovica”, tani e tutje do ta ketë një kënd të miqësisë Kosovë-Francë, në të cilën do të organizohen takime dhe aktivitete të ndryshme, në shenjë nderimi dhe respekti reciprok.


Mitrovicë - Komandanti i Task Forcës Shumëkombëshe Veri (TFSHV), gjenerali francez Patrik Ribairol (Patrick Ribayrol), i ka dorëzuar kryetarit të komunës, Bajram Rexhepi, çelësat e pjesës së objektit të Qendrës së Kulturës "Rexhep Mitrovica", të cilën ushtarët e KFOR-it e kanë shfrytëzuar për nevojat e tyre që nga përfundimi i luftës. Në ceremoninë e organizuar me këtë rast, gjenerali Ribajrol tha se kjo është një ditë e veçantë dhe shumë e rëndësishme, pasi që ka ardhur momenti për t'ua dorëzuar autoriteteve komunale hapësirat e objektit që deri tash i ka shfrytëzuar KFOR i. "KFOR i është në këtë objekt tash e 10 vjet dhe tani ka ardhur koha për ta liruar atë, pasi që siguria në Mitrovicë dhe Kosovë është përmirësuar dukshëm. KFOR i ka ardhur në përfundim se duhet liruar objektin pasi që ka besim të plotë në popullin dhe udhëheqjen e Kosovës, duke qenë i sigurt se ata do të dinë t'i zgjidhin problemet ashtu si duhet, të ndihmuar nga KFOR i dhe bashkësia ndërkombëtare", është shprehur Ribairol. Sipas gjeneralit Riabyrol, arsye tjetër pse KFOR i e liron objektin është edhe fakti se policia e Kosovës është gjithnjë e më efikase, gjë që do të thotë se edhe policia në Mitrovicë, e ndihmuar nga policët e EULEX-it, do të jetë në gjendje që me sukses të menaxhojë situatën, ndërkohë që pjesëtarët e KFOR-it do të jenë gjithmonë të gatshëm për të ndihmuar në këtë drejtim. «Dua t'ju njoftoj se KFOR-i do ta lirojë vetëm këtë objekt dhe se numri i ushtarëve nuk do të ndryshojë, pra do të mbetet i njëjtë. Trupat e mijë tani e tutje do të jenë më mobilë dhe më efikas në tërë zonën. Ushtarët tanë do të patrullojnë këmbë dhe me automjete, por nuk do të stacionohen këtu. Unë shfrytëzojë rastin t?i falëndeoj të gjithë ushtarët për punën që kanë bërë për ta përgatitur objektin për dorëzim", tha gjenerali Ribairol dhe siguroi se se TFSHV-ja do të ofrojë siguri për të gjithë qytetarët e zonës ku ai vepron, duke përfshirë këtu edhe banorët e lagjes «Kroi i Vitakut», të cilët dëshirojnë të kthehen në pronat e tyre. Kryetari i komunës, Bajram Rexhepi, pasi falënderoi gjeneralin dhe ushtarët e KFOR it për dorëzimin e objektit, tha se kjo është dita më e mirë për Mitrovicën, sepse objekti po i kthehet kulturës për çka edhe është ndërtuar. "Ky është një lajm i mirë për mitrovicasit dhe në veçanti për punëtorët e kulturës. Fakti se prezenca e KFOR-it në këtë objekt nuk është më e nevojshme tregon se situata në komunë është e mirë dhe në stabilizim e sipër. Jam i bindur se në të ardhmen do të gjenden donacione për meremetimin e objektit", theksoi Rexhepi. Ai shtoi se në objektin e qendrës së kulturës "Rexhep Mitrovica", do të ketë tani e tutje një kënd të miqësisë kosovare franceze, në të cilën do të organizohen takime dhe aktivitete të ndryshme, në shenjë nderimi dhe respekti reciprok. Drejtori i Qendrës së Kulturës Mirsad Ferati, tha pas pranimit të objektit se tani e tutje do të ketë më shumë aktivitete kulturore të organizuara, gjë që do të ju mundësoj punëtorëve të kulturës t'i tregojnë vlerat e tyre.