KQZ, partive: Paguani dënimet nëse doni të merrni pjesë në zgjedhje

KQZ, partive: Paguani dënimet nëse doni të merrni pjesë në zgjedhje



Komisioni Qendror i Zgjedhjeve (KQZ), njofton subjektet politike të cilat nuk i kanë të paguara gjobat e shqiptuara nga zgjedhjet e kaluara nga Komisioni i Zgjedhjeve për Ankesa dhe Parashtresa (KZAP), nga Komisioni Qendror i Zgjedhjeve (KQZ), si dhe nga Zyra për Regjistrimin e Partive Politike (ZRPP), se afati i fundit për t’i paguar gjobat është 15 shtatori 2009.
Bazuar në nenin 15.12 të Ligjit nr. 03/073 për Zgjedhjet e Përgjithshme dhe për Zgjedhjet Lokale në Republikën e Kosovës, dhe nenit 2.3 të Rregulles 08/2009 mbi Certifikimin e Subjekteve Politike dhe Kandidatëve të tyre, KQZ konfirmon se do të pezullojë procesin e aplikimit për certifikim të subjektit politik që nuk i përmbahet kërkesës së shlyrjes së gjobave. Sipas njoftimeve të mëhershme të KQZ shumica e partive politike të Kosovës nuk kanë paguar gjobat e shqiptuara ndaj tyre nga KQZ gjatë fushatës së zgejdhejve të kalaura të vitit 2007. Prandaj, KQZ ua tërheq vërjetjen partive politike që të “lajnë” borgjin njëherë e pastaj të marrin pjesë në zgjedhjet locale të 15 nëntorit të këtij viti.