Yjet dhe koleksionet e tyre

Yjet dhe koleksionet e tyre

E përgatiti: Diella XHOKLI





A e keni ditur se hobi i pop-princeshës Britney Spears është mbledhja e kukullave antike? Ose që ylli i “Pirates of Caribbean” Johny Depp pëlqen të blej skeletet e pëllumbave kur ka kohë të lirë? Këto janë disa nga gjërat e rralla dhe të mrekullueshme që këta koleksionues i “hedhin” paratë e tyre fshehtas. Më poshtë ne kemi bërë një listë prej 10 personave që mbajnë apo koleksionojnë gjëra të çuditshme në shtëpitë e tyre. Aktorja Demi Moore dhe këngëtarja Britney Spears koleksionojnë kukulla antike dhe të porcelanit. Raportohet se Moore ka një shtëpi të vogël e cila është e mbushur me kukullat e saj.

Regjisori i filmave, Quentin Tarantino mbledh tryeza loje që kanë lidhje me shou-t televiziv si “I dream of Jeannie” (1965), “The Dukes of Hazzard” (1979), dhe “The A-team” (1983). Aktorja Nicole Kidman është ‘nimizmate’, që do të thotë koleksionuese e parave dhe e monedhave të ndryshme. Thuhet se ka një koleksion të rrallë të monedhave Judean. Johny Depp mbledh skelete të pëllumbave, të insekteve dhe lakuriqëve. Ai gjithashtu njëherë kishte blerë një pallto te shiut për 10,000 funte që i takonte Jack Kerouac. Ylli i filmit “Forest Gamp” Tom Hanks ka një koleksion sekret të makinave të shkrimit. Atij i është bërë obsesion të paguaj shtrenjtë për t’i mbledhur ato nga e gjithë bota.

Femra sexy Angelina Jolie mban një koleksion të thikave antike që nga divorci me Billy Bob Thornton. Nuk është e qartë që ajo ende i mban ato edhe pse është me Brad Pitt-in dhe ka fëmijët që enden nëpër shtëpi. Mbreti i pop-it, Michael Jackson kishte një koleksion të harpave egjiptase dhe karrocave të kuajve që i kishte mbajtur për vite. Supermodelja gjermane Claudia Schiffer ka një koleksion të fluturave dhe insekteve të ndryshme. Ajo nuk heziton të harxhojë para në piktura që janë të paraqitura fluturat, si dhe mban shumë insekte e flutura të thara në muret e shtëpisë. Në fund të listës sonë kemi Kiefer Sutherland i cili ka një koleksion prej 28 kitarave klasike të Gibson-it. Ai i mban ato në studion e tij të incizimit.