Enciklopedia problemATIKE.SHBA: Enciklopedia, pretendime neveritëse

Studentët shqiptarë do të protestojnë kundër enciklopedisë




Edhe studentët janë shprehur kundër falsifikimeve që janë bërë në enciklopedinë e publikuar nga Akademia e Shkencave dhe Arteve të Maqedonisë.


Edhe studentët janë shprehur kundër falsifikimeve që janë bërë në enciklopedinë e publikuar nga Akademia e Shkencave dhe Arteve të Maqedonisë. Me këtë rast nën organizimin e Shoqatës për mbrojtjen dhe afirmimin e identitetit shqiptarë në Maqedoni “Ylliricim Libertas”, dhe nën përkrahje të plotë të unioneve të studentëve të të dy universiteteve në Tetovë USHT-së dhe UEJL-së, të mërkurën në ora 12 do ketë organizohet një marsh protestues.
”Kjo enciklopedi përmban një numër të madh të fakteve të falsifikuara historike dhe interpretime krejtësisht të gabuara për të kaluarën e afërt dhe më të largët të kombit shqiptar. Duke i pasur parasysh gjithë këto fakte shoqata për mbrojtjen dhe afirmimin e identitetit kombëtar Illyricim libertas në bashkëpunim të plotë me dy unionet studentore të UEJL-së dhe USHT-së organizon një marsh protestues me moton “Jo falsifikimit të historisë shqiptare, jo pseudoenciklopedisë”, deklaroi Valon Kurtishi nga orginizata Illyricum Libertas.
Mbështetjen e tyre e konfirmuan edhe dy Unionet e studentëve të USHT-së dhe UEJLsë, të cilët përveç përkrahjes që dhanë bënë apel edhe për përkrahje në protestën e të mërkurës.
”Në emër të unionit të studentëve të UEJL i japim përkrahje të plotë këtij marshi protestues është absurde që me teza të trilluara dhe antishkencore të akademikëve maqedonas të tentojnë të manipulojnë dhe shtrembërojnë faktet historike”, tha Agon Ferati, kryetar i Unionit të studentëve të UEJL-së.
“Parlamenti studentor i USHT-së do ta mbështesë iniciativën e OJQ Ylliricum Libertas për të protestuar kundër enciklopedisë Maqedonase e cila ka përgënnjeshtruar historinë e shqiptarëve”, tha Armend Shaqiri, përfaqësues i Parlamentit studentor të USHT-së.Protesta do fillojë në orën 12 nga Universiteti I Evropës Juglindore për të përfunduar në Sheshin Liria në Tetovë.

Terhiqet nga shitja enciklopédia

Presionet e shqiptarëve ndikuan në vendimin e-Asham it.-Reaguan edhe bullgarët, grekët, amerikanët dhe britanikët



Akademia vendosi tërheqjen e Enciklopedisë

Nga presionet e Medha të shqiptarëve, Kryesia e Akademisë Maqedonase të Shkencave dhe Arteve ka vendosur ta tërheq Enciklopedinë nga shitja. QE nga publikimi i enciklopedisë qarqe politike e shoqërore shqiptare të Maqedonisë, Kosovës dhe të shkak Shqipërisë reaguan për të shpifjeve, shtrembërimit të historisë së shqiptarëve.
Kryesia e Akademisë së Shkencave dhe Arteve e MAqedonisë ka urdhëruar redaksinë e Enciklopedisë qe te Beje korrigjimet në Pjesët e diskutueshme në bashkëpunim mir akademikët shqiptare.
Akademia e Shkencave do të mbledhë edhe kuvendin e jashtëzakonshëm, kann Ne te cilin, sic thuhet, të kërkohet përgjegjësi ndaj Anëtarëve të redaksisë, me ne krye kryeredaktorin Blazhe Ristevski.
Ky Vendim i Akademisë vjen pas reagimeve të ashpra të shqiptarëve të MAqedonisë, Kosovës e Shqipërisë ndaj enciklopedisë e cila ka ka ^ er shpifur dhe për prejardhjen e shqiptarëve. Reagime ka pasur edhe nga Grèce Bullgaria dhe të cilat poashtu konsiderojnë se enciklopédia maqedonase permban pavërteta për të origjinën e grekëve dhe bullgarëve. Reagime Kunder enciklopedisë maqeonase ka pasur edhe nga SHBA-dhe të Britania e Madhe.
QE nga publikimi i enciklopedisë dy jave me pare, shpërthyen reagime të shumta, madje dhe politike, shkak për të shtrembërimit të historisë së shqiptarëve. Reagime ndaj përmbajtjes së enciklopedisë ka pasur edhe nga Intelektual maqedonas.

BE përshëndet qëndrimet e Gruevskit dhe Ahmetit



Bashkimi Evropian e ka përshëndetur qëndrimin e kryeministrit Nikolla Gruevski dhe liderit të Bashkimit Demokratik për Integrim, Ali Ahmeti, lidhur me enciklopedinë e Akademisë së Shkencave dhe Arteve të Maqedonisë. "Besojmë se deklarata Gruevksi Ahmeti ofron mundësi vendimtare për pajtim dhe forcim të dialogut mes komuniteteve në Maqedoni në frymën e mirëkuptimit dhe mirëbesimit reciprok", thuhet në komunikatën e misionit të BE së në Shkup. Dje përmes një komunikate të përbashkët, Gruevski dhe Ahmeti shfaqën keqardhje për fyerjet dhe pjesët kontestuese të enciklopedisë. Dy liderët gjithashtu i sugjeruan Akademisë që t'i gjejë mënyrat për kapërcimin e këtij problemi dhe të zgjidhë çështjet e hapura. Ata po ashtu thanë se ky rast nuk guxon të ndikojë në raportet e mira ndëretnike në Maqedoni.

Ivanov përshëndeti tërheqjen e Enciklopedisë





Presidenti i Maqedonisë, Gjorge Ivanov ka përshëndetur iniciativën e Akademisë së Shkencave dhe Arteve të Maqedonisë për tërheqjen dhe përpunimin e Enciklopedisë.
“Ka shkencë dhe politikë, por politikë në shkencë nuk duhet të ketë. Shkenca duhet të ndërtohet në bazë të fakteve dhe në të mos të përzihen kontradiktat e politikës ditore’ është shprehur Ivanov në një njoftim për shtyp. Sipas tij, në një shtet demokratik gjithkush duhet të mbajë përgjegjësinë për veprimet e bëra, politikanët në politikë ndërsa shkencëtarët për shkencën. Kreu i shtetit i ka bërë thirrje gjithë qytetarëve që në të ardhmen së bashku të dëshmojmë në vepër traditën e bashkëjetesës, respektit dhe tolerancës, pasi sipas tij kjo është begatia më e madhe që ka Maqedonia.

Topi: Mjerë ai akademik qe influencohet nga politika




Presidenti Bamir Topi


Presidenti Bamir Topi ka reaguar sot për tekstin mësimor 'Historia 12' dhe për enciklopedinë maqedonase. Sipas tij asgjë nuk bëhet pa dashje, ndersa iu tërheq vëmendjen akademikëve që të punojnë në bazë të fakteve dhe jo të bindjeve.
"Historia nuk bëhet me ndjenja emocionale, por në bazë të diskutimeve te gjera te akademikeve. Mjere ai akademik qe influencohet nga politika", u shpreh Topi.
Presidenti u shpreh edhe për botimin e akademisë maqedonase, duke e vlerësuar enciklopedinë se një bashkëpunim patologjik. "Botimi i enciklopedisë ishte bashkëpunim i politikës me qarqet akademike". Më tej ai vlerësoi qëndrimin e faktorit shqiptar. Deklaratat e Presidentit shqiptar Bamir Topi u bënë gjatë diplomimit të studentëve të Shkencave Politike.

Ahmeti përshëndet vendimine akademisë maqedonase





Ali Ahmeti

Shkup, Kryetari i BDI së Ali Ahmeti ka përshëndetur vendimin e fundit të Akademisë maqedonase për të përmirësuar njësitë e kontestuara të Enciklopedisë së saj. Ahmeti konsideron se komunikata e Akademisë së Shkencave "është një kontribut jo vetëm për të ulur tensionet, por është një shërbim i madh që i bëhet shtetit". "Problemet të zgjidhen drejt dhe të pasqyrohet e vërteta në enciklopedinë e ardhshme të përmirësuar edhe me pjesëmarrjen e akademikëve shqiptarë, të dijetarëve shqiptarë dhe të gjendet gjuha e arsyes mes njerëzve të dijes, shkencës dhe kulturës, pavarësisht kujt komuniteti i takojnë ata", ka thënë Ahmeti për Alsat.

Georgievski: Maqedonasit janë më të ofenduar se shqiptarët






Përveç Georgievskit edhe Fërçkoskit, në debatin për enciklopedinë që do të transmetohet sonte në ALSAT në orën 20.30 minuta, marrin pjesë edhe Eshtref Aliu dhe Aleksandar Damovski

Nuk mjafton që Akademia e Shkencave dhe e Arteve të Maqedonisë, të ndryshon vetëm ato gjashtë pjesë, që kanë të bëjnë me shqiptarët. Në veprën me dy vëllime maqedonasit janë të ofenduar më shumë se ata. Këtë e deklarojnë disa nga pjesëmarrësit e emisionit “Rruga Drejt”. Në faqet e Enciklopedisë maqedonase, e cila u paralajmërua si vepër e rëndësishme, dhe që u tërhoq si gabim shkencor, maqedonasit shihen nga perspektiva serbe. Janë ngritur lart personalitete që nuk e meritojnë, ndërsa disa që meritojnë nuk janë aspak, ose janë margjinalizuar, thotë ish-kryeministri Ljubço Georgievski.
“Për atë se deri tani kishte një përshtypje se maqedonasit janë shumë të kënaqur, me siguri se ka maqedonas që janë shumë të kënaqur, por unë jam njëri nga ata që vlerësojnë se ai është libri i fundit i Jugosllavisë komuniste”, deklaroi Georgievski.
Georgievski veçon pjesën për funksionarët e kohës së komunizmit si Llazar Kolishevski, i cili është paraqitur si personaliteti më i shquar maqedonas në shekullin e 20-të, pa u prekur kundërshtimet e tjera rreth veprimtarisë së tij. Përkundër asaj ai thotë se mungojnë personalitetet e rilindjes maqedonase.
“Periudha e Jugosllavisë komuniste është paraqitur si një e kaluar romantike e popullit maqedonas. Ndaluni pra, pse u shkatërrua ajo Jugosllavi, ku janë luftërat që ndodhën në atë Jugosllavi... periudha e mbretërisë Serbo-kroate-sllovene, kur Maqedonia ishte nën okupimin dhe robërim, ajo periudhë është përmendur se ka ekzistuar, por në mënyrë përkëdhelëse”, shtoi Georgievski.
Edhe profesori Ljubomir Fërçkoski si një nga problemet e enciklopedisë konsideron shkrimin e saj nga aspekti pro-serb. Ai thotë se nuk duhet të lejohet, që akademikët të tërhiqen si heronj.
“Nëse koncepti i ndryshimit shkon në linjën e ndryshimit vetëm të pjesës së shqiptarëve, njerëzit që e kanë formuar këtë koncept do të tërhiqen si heronj maqedonas. Ai është gabimi i dytë, që mund të na ndodhë tani. Ata mund të japin dorëheqje tani dhe të thonë se ne u tërhoqëm nën presionin e pashembullt, i cili nuk ka konsideratë për shkencën dhe formoni një redaksi të ri. Kjo nuk duhet të ndodhë”, theksoi Fërçkovski.
Përveç Georgievskit edhe Fërçkoskit, në debatin që do të transmetohet sonte në ALSAT në orën 20.30 minuta, marrin pjesë edhe analisti Eshtref Aliu dhe redaktori kryesor i gazetës ‘Nova Makedonika’, Aleksandar Damovski.

Georgievski: Libri i fundit i Jugosllavisë komuniste



Enciklopedia e Akademisë së Shkencave të Maqedonisë “është libri i fundit i Jugosllavisë komuniste”, deklaroi ish kryeministri, Ljubço Georgievski.
“Periudha e Jugosllavisë komuniste është paraqitur si një e kaluar romantike e popullit maqedonas. Ndaluni pra, pse u shkatërrua ajo Jugosllave, ku janë luftërat që ndodhën në atë Jugosllavi...”, ka deklaruar Georgievski në një emision që pritet të transmetohet mbrëmjen e sotme në mediat vendore.

Zgjohu!: Shqiptarët fituan kundër Enciklopedisë



Shkup - Lëvizja qytetare “Zgjohu!” shprehu mirënjohjen për median, shoqërinë civile, të gjitha partitë politike shqiptare në vend dhe në rajon, komunitetin ndërkombëtar dhe bashkëqytetarët maqedonas që kontribuan njëzëri në tërheqjen e enciklopedisë maqedonase.
Sipas saj, këshilli redaktues i enciklopedisë duhet të ndëshkohet për përkeqësimin e situatës në Maqedoni dhe nxitjen e urrejtjes ndëretnike.
''Tendenca për të cënuar karakterin multietnik të shtetit nga ana e akademikëve nuk guxon të kalojë pa u dënuar për të evituar aventura të tilla të rrezikshme në të ardhmen'', tha ajo.''Shqiptarët dhe të gjithë dashamirët e këtij shteti e fituan këtë sfidë me dinjitet dhe nuk ranë pre e provokimeve të ulëta. Çdo veprim ndryshe do të dëmtonte betejën tonë legjitime dhe do të ushqente kundërshtarët e karakterit të pamohueshëm multietnik të këtij shteti'', thekson lëvizja qytetare “Zgjohu!”.'
'Që nga pavarësia e këtij vendi, shqiptarët vazhdojnë të jenë elementi më konstruktiv i shoqërisë duke dëbuar çdo tendencë për ta dëmtuar frymën multikulturore dhe multietnike të shtetit'', shton ajo.

Enciklopedia, reagon edhe Akademia e Tiranës

Teza të pasakta dhe tendencioze.


ASHSH.


Akademia e Shkencave e Shqipërisë ka reaguar për enciklopedinë maqedonase ku shqiptarët quhen njerëz mali. Sipas akademikëve shqiptarë, tezat e palës tjetër janë krejtësisht të pasakta dhe tendencioze.
Kohët e fundit Akademia e Shkencave dhe e Arteve e Maqedonisë, vuri në qarkullim enciklopedinë e Maqedonisë në të cilën bën pjesë edhe një zë i veçantë kushtuar shqiptarëve të Maqedonisë. Ky zë për fat të keq përmban pasaktësi faktologjike dhe nota fyese për bashkatdhetarët tanë që jetojnë në republikën fqinje. Për këtë arsye përmbajtja e zërit ka shkaktuar reagime të justifikuara në shtyp dhe në median elektronike, jo vetëm ndër shqiptarët e Maqedonisë, por edhe ndër mbarë shqiptarët kudo ku jetojnë.
Akademia e Shkencave e Shqipërisë nuk u ngut për të dhënë menjëherë opinionin e saj. Kjo për arsye se ajo donte të kishte në dorë tekstin integral të këtij zëri. Teksti na ra në dorë me vonesë. Ndërkohë po mësojmë se vetë autoritetet shtetërore maqedonase po e tërheqin nga qarkullimi vëllimin enciklopedik për ta rishikuar dhe korrigjuar përmbajtjen e këtij zëri. Në pritje të ripunimit të këtij (dhe të disa zërave të tjera që kanë pasaktësi të fakteve e keq interpretime) nga autorët e enciklopedisë, ne po japim paraprakisht përshtypjet tona mbi përmbajtjen e tij, e cila sipas mendimit tonë bie në kundërshtim me të vërtetën historike.
Autorët e zërit “Shqiptarët e Maqedonisë” mbrojnë pikëpamjen e hedhur në shekullin XIX se në Maqedoni nuk kanë ekzistuar banorë shqiptarë para pushtimit osman, madje para shekullit XVI. Ata vazhdojnë të ngulin këmbë si dikur paraardhësit e tyre nacionalistët ekstremistë se në territorin e sotëm të Maqedonisë deri në shekullin XVI ka pasur vetëm banorë sllavomaqedonë dhe se shqiptarët deri atëherë banonin vetëm nëpër malet e Shqipërisë së sotme. Ata vazhdojnë të mbrojnë pseudo-tezën se grupet e para shqiptare të këtyre viseve malore u dyndën në masa të vogla në Maqedoni në shekullin XVI, se shumica dërrmuese e tyre (vala e dytë) u dynd në fund të shekullin XVIII; pastaj në mesin e shekullit XIX (vala e tretë); më tej në fillim të shekullit XX (vala e katërt) dhe më në fund nga shqiptarët e Kosovës pas Luftës së Dytë Botërore

Qeveria dhe 'Zgjohu' mirëpresin shkarkimin e redaksisë







Qeveria e Maqedonisë ka përshëndetur vendimin për shpërndarjen e redaksisë së enciklopedisë më shpresën se problemet e krijuara do të zgjidhen në kuadër të institucionit të Akademisë së Shkencave dhe Arteve.“Qeveria e Maqedonisë gjithnjë duke respektuar autonominë e institucionit më të lartë shkencor, Akademia e Shkencave të Maqedonisë përshëndet vendimin e fundit të Akademisë së Shkencave për krijimin e një këshilli të ri redaktues dhe me këtë rast shpresojmë se të gjitha mospajtimet dhe dilemat do të zgjidhen brenda institucionit të Akademisë së Shkencave dhe Arteve të Maqedonisë”, deklaroi Shefik Duraku, zëdhënës i Qeverisë.
Vendimi për shpërndarjen e redaksisë së enciklopedisë është mirëpritur edhe nga Lëvizja Qytetare “Zgjohu” e cila paralajmëron edhe ngritjen e një padie kundër redaktorit të deritanishëm të enciklopedisë, Bllazhe Ristovski. ’Zgjohu’ gjithashtu kërkon nga Akademia që të siguroj pjesmarrjen e barabaratë të akademikëve shqiptarë në këtë institucion.
“Ajo që ne kërkojmë si lëvizje qytetare është që gjithsesi të ketë përfaqësim të barabartë edhe në Akademinë e Shkencave dhe Arteve të Maqedonisë në veçanti të shkencëtarëve shqiptarë për shkak se ata janë në numër shumë të vogël, në krahasim me popullatën tjetër. Shqyrtojmë mundësinë që në aspektin ligjor ndoshta do të ngrisim një aktpadi private kundër Bllazhe Ristevskit dhe "kompanisë" së tij për gjithë këtë rëmujë që bëri ”, deklaroi Ismail Krifca, përfaqësues i Lëvizjes qytetare “Zgjohu”.

Akademia maqedonase: Redaksi e re për Enciklopedinë



Një redaksi e re për korrigjimin e Enciklopedisë Maqedonase, në të cilën do të marrin pjesë edhe përfaqësues të etnive dhe komuniteteve tjera jo maqedonase. Ky është vendimi që ka marrë sot Kryesia e Akademisë së Shkencave dhe Arteve të Maqedonisë.
Siç merret vesh nga konkluzionet e seancës së sotme, redaksia e re duhet në formohet në pajtim me Statusin dhe aktet tjera juridike të Akademisë, në afat prej një muaji. Me formimin e redaksisë së re formohen edhe ekipe të reja të redaksisë.
Anëtarët e rinj të redaksisë duhet t'i ndryshojnë me tekste të reja dispozitat të cilat janë të papranueshme nga aspekti shkencorë dhe më gjerë.
Në hartimin e teksteve të reja duhet të kyçen autorë kompetent, ekspertë për çështjet të cilat janë kontestuese dhe duhet të ndryshohen në enciklopedi