Nesër nënshkruhet një protokoll bashkëpunimi Kosovë-Gjermani

Nesër nënshkruhet një protokoll bashkëpunimi Kosovë-Gjermani





Prishtinë - Sot në Ministrinë e Ekonomisë dhe Financave kanë nisur negociatat dypalëshe në mes të Qeverisë së Kosovës (MEF) dhe Qeverisë gjermane, në lidhje me protokollin e bashkëpunimit në fushën ekonomike. Ndërkaq, nesër më 23 shtator, si rezultat i këtyre negociatave, do të bëhet nënshkrimi i protokollit për bashkëpunim. Në Ministrinë e Ekonomisë dhe Financave të martën kanë nisur negociatat dypalëshe në mes të Qeverisë së Republikës së Kosovës (MEF) dhe Qeverisë Gjermane, në lidhje me protokollin e bashkëpunimit në fushën ekonomike. Shfrytëzimi i mjeteve të cilat janë zotuar në konferencën e donatorëve nga Qeveria gjermane si dhe projekte konkrete, të cilat do të financohen përmes këtyre donacioneve kanë qenë temë diskutimi në negociatat dypalëshe në mes të Qeverisë së Republikës së Kosovës, përkatësisht Ministrisë së Ekonomisë dhe Financave (MEF) dhe Qeverisë Gjermane, në lidhje me protokollin e bashkëpunimit në fushën ekonomike, tha Bashkim Isufi, shef i kabinetit në ministri të MEF-it. Sipas Isufit, kjo marrëveshje është nënshkruar edhe në fillim të këtij viti, si rezultat i konferencës së donatorëve vitin e kaluar.