LDK, Gjermani: Takimet në Kosovë mbahen më 3 e 4 gusht

LDK, Gjermani: Takimet në Kosovë mbahen më 3 e 4 gusht



Kryesia e Degës së LDK-së në Gjermani, sikurse çdo verë edhe sivjet, në kuadër të pushimeve verore në Kosovë, do të mbajë tashmë takimet tradicionale. Këto takime të kryesisë së Degës së LDK-së me aktivistët, anëtarët dhe simpatizantët mbahen më 3 e 4 gusht 2009 (e hënë dhe e martë). Takimi i parë do të bëhet të hënën, më 3 gusht 2009, në hotel “Iliria”, në orën 10, kurse në orën 11 është paraparë bërja e homazheve tek varri i presidentit historik dr. Ibrahim Rugova dhe tek shtatorja e akademik Fehmi Aganit.
Ditën e dytë, më 4 gusht 2009, do të vizitohet Rrafshi i Dukagjinit ku do të bëhen homazhe tek shtatorja e heroit Sali Çekaj, në Deçan si dhe tek varri i kolonel Tahir Zemajt dhe ai i Rrustem Bruçit.
Komisioni për informim i Degës së LDK-së në Gjermani