Mesiq: Shqipëria ka perspektivë evropiane

Mesiq: Shqipëria ka perspektivë evropiane



Gjatë qëndrimit të tij në SHBA, kryeministri i Shqipërisë, Sali Berisha, pati një takim me presidentin e Kroacisë, Stipe Mesiq, ku dy liderët shprehën vullnetin dhe angazhimin e tyre për forcimin dhe intensifikimin e marrëdhënieve mes dy vendeve të tyre.
Kryeministri Berisha e njohu Presidentin Mesiq me zhvillimet në Shqipëri dhe me ato pas zgjedhore, duke theksuar se zgjedhjet e 28 qershorit ishin më të mirat që vendi kishte bërë ndonjëherë dhe se ato shprehën plotësisht vullnetin e popullit shqiptar.
Nga ana tjetër, presidenti Mesiq përgëzoi kryeministrin Berisha për zhvillimin me kaq maturi të zgjedhjeve dhe e uroi atë për rizgjedhjen. Ai u shpreh se kjo garanton vazhdimin e reformave që kanë çuar Shqipërinë në NATO dhe që po i japin një perspektivë të qartë evropiane.
Në takim u diskutua gjerësisht mbi mundësinë e bashkëpunimit ekonomik dhe në fusha të tjera, duke u ndalur në shkëmbimin e eksperiencës mbi zhvillimin e turizmit dhe mbi projekte të rëndësishme rajonale në infrastrukturë e fusha të tjera.