Bisedime për krizën në Honduras

Bisedime për krizën në Honduras




Dialog për krizën në Honduras


Në Honduras kanë filluar bisedimet mes presidentit të rrëzuar, Manuel Zelaya dhe autoriteteve të përkohshme me qëllim të zgjidhjes së krizës politike në këtë shtet të Amerikës Qendrore.
Zoti Zelaya, që kërkoi azil në ambasadën braziliane në kryeqytetin e Hondurasit, pas kthimit të tij surprizë në atdhe ditën e hënë, i përshkroi bisedimet si "një hap i parë pozitiv".
Qeveria e përkohshme thotë se bisedimet nuk kanë asnjë qëllim për të kthyer në postin e tij zotin Zelaya.
Presidenti u largua në muajin qershor, pasi u akuzua për shkelje të kushtetutës.
Këshilli i Sigurimit i Kombeve të Bashkuara ka njoftuar se do të diskutojë të premten për krizën në Honduras.
Duke folur në Nju Jork, zëvendës i zotit Zelaya, Aristides Mejia, i deklaroi BBC-së se qeveria e përkohshme ende ishte kundër bisedimeve zyrtare me zotin Zelaya.
"Mendoj se presidenti është ende në rrezik në ambasadë dhe kjo është arsyeja, përse do të ketë një mbledhje të Këshillit të Sigurimit."
"Kjo u kërkua nga autoritetet braziliane dhe u mbështet nga vendet kryesore të Këshillit të Sigurimit të Kombeve të Bashkuara," tha zoti Mejia.