PS zgjedh sot kryetarin e ri

PS zgjedh sot kryetarin e ri



Ka nisur sot votimi i rreth 82 mije anëtarëve te Partisë Socialiste për kryetarin e ri. Garojnë kryetari aktual Edi Rama dhe Maqo Lakrori.
Janë mbi 400 qendra votimi të shpërndara në të gjithë vendin, në të cilat do të votojnë të gjithë anëtarët e bazzës socialiste, nga Jugu në Veri të vendit, duke zgjedhur kështu kryetarin e ri, i cili do ta drejtojë selinë rozë për katër vitet e ardhshme.
Para tij, shfaqen sfidat e zgjedhjeve lokale të ardhshme, si edhe përgatitjet e selisë rozë për një tjetër betejë me demokratët në zgjedhjet e ardhshme të përgjithshme për mandatin e ardhshëm 2013-2017.
Garat për kryetarin e ri socialist zhvillohet mes Edi Ramës dhe Maqo Lakrorit, dy kandidaturave të vetme të saj, ku sipas të gjitha gjasave, i pari i ka të gjitha shanset për t’u rizgjedhur në kryesimin e Partisë Socialiste.
Ndërkaq, është bërë e ditur paraprakisht se në votime sot do të shkojë pjesa tjetër e socialistëve që nuk janë pozicionuar kundër Edi Ramës.
Përfaqësuesit e Lëvizjes për Mendinm Ndryshe në PS, Ben Blushi dhe Arben Malaj e kanë cilësuar këtë votim si një farsë dhe prandaj do ta bojkotojnë atë.


Mësohet se procesi i votimit po zhvillohet i qete në të gjitha qendrat. Sipas KQZ-së, votimi do të mbyllet në orën 16:00.