Arrestohet në Zvicër Roman Polanski

Arrestohet në Zvicër Roman Polanski

Regjisori i famshëm Polanski mori Oskar në 2002




Regjisori i filmave, Roman Polanski është ndaluar nga policia pas një urdhër arresti amerikan 31 vjeçar, kanë bërë të ditur autoritetet e Festivalit të Filmit në Zyrih.
Organizuesit thanë se Polanski, 76, u ndalua nga policia të shtunën, ndërsa shkoi në Zvicër nga Franca për të marrë një çmim për punën e tij shumë vjeçare.
Policia në Zyrih nuk e konfirmoi menjëherë informacionin.
Zoti Polanski pranoi se kishte kryer marrëdhënie seksuale me një vajzë 13 vjeçare në 1977, por ai u largua në Francë para se të dënohej.
Regjisori me origjinë polake nuk ka shkuar në SHBA tashmë për më shumë se 30 vjet. Ai ka shmangur të filmojë edhe në Britani nga frika e ekstradimit.
Oskari që atij iu dha në 2002 për filmin The Pianist u mor nga Harrison Ford.
Organizuesit e festivalit të Filmit në Zyrih thanë se arrestimi i tij kishte shkaktuar "shok dhe zhgënjim", por se ata do të vazhdojnë me planet që kishin për të bërë një retrospektivë të veprës disa vjeçare të regjisorit.