Me programe konkrete të kthehet besimi i elektoratit

Me programe konkrete të kthehet besimi i elektoratit

Tubim i PSHDK-PDKI në Zvicër



Në këtë tubim u çmua lartë vizita e përbashkët e Ton Markut dhe Zef Morinës, si dhe vizioni i ardhshëm i demokristianëve me një prespektivë të sigurtë, nën udhëheqjen e dy bashkëkryetarëve deri në Kuvend.


Në Holziken të Kanton Aargau, u mbajt një tubim informativ i demokristianëve të Kosovës në Zvicër. Në prezencën e shumicës, ashtu si ishte paralajmëruar, morën pjesë dy bashkëkryetarët e demokristianëve të Kosovës ( PSHDK - PDKI ), Ton Marku dhe Zef Morina, deputet në Parlamentin e Republikës së Kosovë. Tubimin e hapi Nue Kaçinari, kryetar i BD, i cili pasi përshëndeti të pranishmit, e në veçanti dy bashkëkryetarët e demokristianëve, bëri një rezyme të shkurtër dhe gjithpërfshirëse të aktivitetit të BD për Zvicër. Pastaj iu dha fjala dy bashkëkryetarëve, për të informuar për së afërmi me ngjarjet që janë më aktuale në interes të zhvillimit të proceseve nëpër të cilat po kalon vendi ynë në përgjithësi, si dhe të demokristianëve në veçanti.
Të pranishmit patën rastin, nga dy bashkëkryetarët të informohen për situatën aktuale politike dhe gjithëpërfshirëse në vendin tonë, pastaj mbi rrjedhat në Partinë Demokristiane të Kosovës,ku një vend domonant kishte rruga e bashkimit dhe realizimi i marrëveshjes së unifikimit të demokristianëve të Kosovës (PSHDK - PDKI ) e realizuar ditë më parë, si e tillë, deri në Kuvendin e ardhshëm të partisë. Pastaj, u mirëprit çertifikimi në KQZ, për të marrë pjesë në zgjedhjet lokale të 15 nëntorit, ku janë duke u bërë të gjitha përgatitjet për fushatë, që nga strategjia e veprimit, nominimi i listave, formimi i shtabit, e deri te krijimi këshillave zgjedhorë. Natyrisht se për mbarvajtjen e fushatës, nevojitet një mbështetje morale, e mbi të gjitha nevojiten edhe mjete materiale, të cilat u kërkuan nga ana e BD të Zvicrës. Në këtë drejtim, të dy bashkëkryetarët, falenderuan BD në Zvicër, për plotsimin e aplikacioneve për votime përmes postës, për bashkatdhetarët tanë duke marrë parasysh numrin e madh të elektoratit tonë në Zvicërr.
Në debat u inkuadruan po thuajse shumica, ku më i zëshmi ishte koordinatori për diasporë Marash Berisha, i cili bëri një evokim të kaluarës tonë të lavdishme, duke shtuar mbi të gjitha, se tani të bashkuar, kemi rastin të ia kthejmë prap dinjitetin partisë.
Nga shumë të pranishëm pati pyetje të sferave të ndryshme, të cilave iu përgjigjen dy bashkëkryetarët, me ç`rast i gjithë auditoriumi u nda i kënaqur.
U çmua lartë vizita e përbashkët e Ton Markut dhe Zef Morinës, si dhe vizioni i ardhshëm i demokristianëve me një prespektivë të sigurtë, nën udhëheqjen e dy bashkëkryetarëve, deri në Kuvend, që parashihet të mbahet menjëherë pas zgjedhjeve lokale. Shi për këtë, ky unifikim u mirëprit edhe nga strukturat udhëheqëse të shtetit, që do të shërben si shembull për subjektet tjera të pluralizmit politike në Republiken e Kosovës.
Në fjalën e tij përmbyllëse, kryetari i BD, Nue Kaçinari, duke i falenderuar të gjithë të pranishmit për një interesim të jashtëzakonshëm, në emër të BD, gjithnjë duke iu referuar vendimeve të Kryesisë së BD, edhe njëherë i dha mbështetje të plotë bashkimit demokristian, kryesisë qendrore të partisë dhe një përkrahje të plotë organizimit të fushatës zgjedhore, duke përfshirë edhe ndihmën financiare. Gjithnjë duke aluduar në punën e përbashkët te të gjithëve, me fillim nga stafi udhëheqës e deri te baza, me të vetmin qëllim, që me programe konkrete të mbrohen interesat e përbashkëta dhe të kthejmë besimin e elektoratit.
Këshilli për informim