Shqipëria mirëpret klasikët botërorë

Shqipëria mirëpret klasikët botërorë






Edicioni i dhjetë i sezonit ndërkombëtar të koncerteve “Klasik” ka filluar me kuartetin e harqeve, “Archimede”, nga Italia. Këtë vit, në jubileun e tij, ky sezon do të ofrojë një publik më të gjerë, të qendrave të mirënjohura të kulturës shqiptare, si Shkodra, Korça, Elbasani, Durrësi e Fieri, një larmi jo vetëm të artistëve pjesëmarrës, që do të vijnë nga Italia, Gjermania, Franca, Zvicra, Kroacia, Shqipëria e Holanda, por edhe të repertorëve që do të ekzekutohet për publikun shqiptar. Vlen të përmendet kori i Dortmundit “Collegium Vocale”, kori “André Léculeur”, kori “Prenk Jakova”, orkestra e RTVSH-së, kompania “Linga” , duoja “Arcadia”, por edhe nga ana tjetër repertorët që do të mbushin mbrëmjet koncertore të “Klasikut” do të kenë autorë që nga Mozart, Schubert, Grieg, Haydn, Cassadò, Hirschler etj.