Blerim Rrecaj: Përsëritëse e neveritëse

nga **Agim Gashi** Thu Oct 15, 2009 2:28 am

Përsëritëse e neveritëse

Nga Blerim Rrecaj

Biseda. Zëra Llafe.Kafe dhe ndeja. Njerëz. Kryeqytet. 14 tetor 2009. Ftohtë dhe malet që duken në këtë ditë vjeshte me largpamësi të madhe janë të mbuluara nga bora. (Pa)qartësi dhe zhvillime të ngjarjeve e zakonshmëri jonormaliteti… Një qen ngjyrë të zezë bredh në stacionin ku po pres mjetin që do më shpie drejt shtëpisë. Korba të zinj porsi ngjyra e këtij qeni(mund të jetë edhe bushtër) të lodhur enden qiellit, jo shumë larg mbi kokat tona. Jemi mësuar tashmë me këtë jetë dhe themi që nuk na pëlqen dhe se kurrë s’kemi qenë më të mbyllur. Ndoshta edhe më të padijshëm, ndoshta edhe më të pafuqishëm… Derisa shkolla ekonomike dhe tjerat afër saj janë në vendin e duhur, kjo godinë e re po ndërtohet për fare pranë asfaltit, arkitekt s’jam po s’më pëlqen fare dhe më duket aspak në vendin e duhur. Sa gjërat nuk janë në vend të vet. Po ç’të bësh. Dhe jetojmë si në konzervat e peshkut p.sh. ata që quhen “Eva”që i blejmë dhe i hapim pa shumë vështirësi. Zhurma e agregatëve në këtë ditë ushton sikurse debatet televizive për një temë të caktuar. Kjo zhurmë vërehet shumë te komplekset e atyre lokaleve menjëherë përballë Filologjikut, vend në të cilin mund të themi se është numri më i madh i internet kafeve. Mundim të ngjitesh nëpër shkallët e tyre për në katin e epërm sepse nëpër to era e rëndë e kryerjes së nevojave filiologjike kutërbon. Dhjetë vjet nuk u zgjidh problemi i banjove publike. Shumica prej të këtyre lokaleve janë të mbushura ku pos tjerash do takosh shumë të rinj por edhe ndonjë fëmijë duke luajtur lojën Kaunter Strajk. Të rralla janë ambientet e sidomos kafenetë, vështirë është ta gjesh një të tillë që nuk hyjnë lypësit dhe të kërkojnë para. Dhe më s’dihet kush më shumë ka para ata që dhurojnë ose ata që kërkojnë. Mos u jep para fëmijëve që lypin është porosia e një spoti televiziv.Partitë politike kanë filluar të prashisin asfalt kinse për t’i zgjeruar rrugët a hapësirat publike dhe postera neveritës kanë kapluar kryeqytetin. Jemi bërë bilbila prej goje ndoshta të shtyrë edhe nga problemet e stërzgjatura që assesi të gjejnë rrugëzgjidhje.Mos më keqkuptoni qëllimi im nuk ishte të shkruaj për këto shëmira, (sepse ato i dini edhe ju, as të ju paraqitem si burrë i mire, e as…) që (s’)na kanë ardhë në maje të hundës e herë-herë na i acarojnë nervat por të pyes: Deri kur do ta këndojmë këtë këngë përsëritëse e neveritëse njëkohësisht?

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30