Faruk Buzhala: Këmisha e bardhë me pulla të fildishta

Faruk Buzhala: Këmisha e bardhë me pulla të fildishta

S'di se ç'mu dha sot
vesha këmishën e bardhë
me pulla të fildishta!

Dola me djalin tim Diarin për dore
të shetisim siç shetisim zakonisht
pasditeve.

Në rrugë pashë një fytyrë të njohur
duke më shikuar,më thirri në emër
u ndala
- MySpace - më tha.
- My friend - ia ktheva duke ia zgjatur dorën.
Ia shtrënguam dorën njëri tjetrit
sikur të njiheshim prej kohësh
a në të vërtetë njiheshim
pasiqë ishim të të njejtit vend
(por tani ai jeton në Zvicërr).

E shiqova nga flokët deri te këpucët
që i kishte spic - lëkurë krokodili!
''Roker i vërtetë''- mendova
(Ishte i gjatë dy metra,me mustaqe)
- Të kam menduar më të vogël - i thashë.
- ''...''-
- Do të shihemi prapë. - dhe u nisa rrugës me Diarin për dore.

Derisa po ecja ktheva kokën edhe njëherë mbrapa
ta shikoj.
Tani sytë më shkuan te xhinsat e tij 501.
Kishte poashtu veshur jelek lëkure ngjyrëkafe.

Gjatë ecjes më shkuan mendtë
së pari në xhepat e mi të thatë
pastaj në këngët:''Call me Al'' dhe ''Over my shoulder''
që i kisha plasuar në boletinët e MySpace.
''Si iu duka athua unë atij
shokut tim në MySpace?!.''

S'di se ç'mu dha sot
vesha këmishën e bardhë
me pulla të fildishta!
(që ma kishte dhuruar një fqi i imi
që jeton në Zvicërr - çfarë koinçidence!)
Këtë këmishë e kisha veshur
edhe atë ditë kur doli nga shtypi
libri im i parë me poezi.

Shikova këmishën çuditshëm
shkëlqente bardhësia në te
duke i zverdhur pullat!