Agim Pipa: Fjala e lajmit te mire: guxo

Agim Pipa: Fjala e lajmit te mire: guxo

I ke parë token dhe qiejt
Në prag
Të shtërngatave?

Kokat e reve
Nxijnë nga inatet;

Rrudhen horizontet
Dhe njerëzit poshtë
Derdhen
Në lumenj protestash.


Përse?

Për malet e mbivlerës
Prostituojnë mijra banka;

Bosët dalin nudo dhe,
Duke u veshur me para,
Në, ekstazë fitimesh.
Luajne *Mbretin Lakuriq*

Veç ne jetojmë
Mes pëllumbave
Të uritur.

Ku t’i gjesh
Liqenet e dashurive
Dhe pyjet e virgjër
Ku lulezojnë përqafimet ?

Janë përgjakur
Të gjitha...

Tragjikisht.

Ligji i jetes:
Guxo te perballesh
me te keqen.

Guxo te ngresh barrikada
Kunder boseve,
te shkreterirave
te mendimit.

Fytyra e njeriut
Nuk do t’i përkasë më
monedhave
Dhe bankave
Ku, prostituojnë bankierët.

Fytyra e njeriut
Është shumë e bukur.

Fjala e lajmit të mirë:
Guxo!

Ne,
Do të arrijmë t’i qetësojmë
Token dhe Qiejt.

Mjaft më
Me lumenj tragjikë
Protestash...

Edhe arsyetimi i pastër
I fëmijës
Do ta mundë
Mbivlerën absurde
Të çfytyrezimit.

Pëllumbat nëpër sheshe,
Duke fluturuar,
Do te ngrenë edhe më lart
Ëndërrat tona.

Fjala e lajmit të mirë:
Guxo!

* “Mbreti lakuriq”, sipas motivit të perallës “Rrobat e reja të mbretit” të shkrimtarit danez Hans Kristian Andersen