Deputetët e PS përplasje me policinë te pallati i kunatit të Dash Pezës

Deputetët e PS përplasje me policinë te pallati i kunatit të Dash Pezës

Një grup deputetësh të Partisë Socialiste kanë tentuar në orët e mëngjesit sot, të hyjnë në pallatin e shembur dje pjesërisht nga Inspektoriati i Lartë i Ndërtimit, objekt në qendër të Tiranës në pronësi të Ilir Matës, kunati i deputetit të Partisë Socialiste Dashamir Peza.
Forcat e policisë të cilat kanë vënë shirita rrethues për kufizim hyrje në të gjitha anët e objektit kanë ndërhyrë duke ndaluar hyrjen e deputetëve në ambientet e brendshme.
Për disa minuta mes dy palëve është shkaktuar incident për shkak se forca të policisë që kishin ruajtur objektin gjatë gjithë natës, nuk kanë lejuar deputetët ndërsa këta të fundit kanë tentuar të hyjnë në object duke krijuar shtyrje e prplasje fizike me policinë.
Pas kësaj deputetët janë tërhequr ndërsa policia ndërtimore ka paralajmëruar të fillojë sot pjesën tjetër të operacionit për shembjen e pallatit 12-katësh.
Lajmi i 07 Dhjetor 2009, ora 18:33 - Zv.ambasadorja e OSBE në Tiranë ka ndjekur nga afër sot operacionin e Inspektoriatit të Lartë të Ndërtimit për shembjen e pallatit në pronësi të kunatit të deputetit të Partisë Socialiste Dashamir Peza.
Në vendin e ngjarjes, ka qëndruar edhe deputeti i Partisë Socialiste Eduart Shalësi i cili ka ndjekur veprimet e policisë ndërtimore.
Operacioni është “siguruar” nga dhjetëra forca të policisë së rendit që kanë ruajtur vendin e ngjarjes ndërsa më tutje qëndronte edhe policia bashkiake e Tiranës.
Sipas vendimit të Inspektoriatit të Lartë të Ndërtimit, shembja e objektit, (pjesa e jashtme e tri kateve të para) është bërë për shkak se është ndërtuar në pronë publike, ka cënuar hapësirën mes objekteve si dhe nuk është në përputhje me planin Urbanistik ndërsa një pjesë e tij është pa leje.
Lajmi i mëparshëm: 07 Dhjetor 2009, ora 15:33
Tirane - UPDATE - Policia e rendit ka ndërmarrë një aksion pak minuta më parë në afërsi të qendrës së Tiranës për shembjen e një pallati që konsiderohet i paligjshëm. Objekti ndodhet pas "Hotel Tirana" i njohur si "15-katëshi" në kryeqytet.
Fadroma të policisë ndërtimore janë duke shambur objektin, i cili konsiderohet i paligjshëm për shkak të ndërtimit mbi një rrugë të zonës.
Deri tani janë shembur tri kate të ndërtesës e cila është konsideruar pak ditë më parë nga Kryeministri së një nga ndërtimet mafioze në Tiranë ngritur në toka "të rrëmbyera" pronarëve siç pretendoi Berisha.
Objekti eshte ndertuar sic pretendohet, nga subjekti ne pronesi te Dashamir Pezës, aktualisht deputet i Partise Socialiste i zgjedhur me 28 qershor 2009.
Shembja po bëhet me një urdhër të POlicisë Ndërtimore, me nr.2052, mbi bazën e ligjit të Urbanistikës.
Disa muaj më parë, lëvizja Zgjodhu bëri një denoncim publik në lidhje me këtë pallat duke e konsideruar të paligjshëm atë.
Në denoncim u paraqitën dëshmi të banorëve të zonës, që pretenduan për zënie të hapësirës publike nga kjo godinë. (Lajmifundit)