Hysri Rama pranon se ka marrë para për ta vrarë Nazim Bllacën

Hysri Rama pranon se ka marrë para për ta vrarë Nazim Bllacën


Fakte te reja të “Rastit Bllaca”
Në një inçezim manjetofonik (CD e tretë) të emetuar në mbrëmje të ditës së hënë, dëgjohet komunikimi në mes të Nazim Ballacës, babait të tij dhe Hysri Ramës, ish policit të SHPK-së.

Prishtinë 7 dhjetor
“Rasti Nazim Bllaca” tashmë ka filluar të nxjerrë në sipërfaqe edhe shumë fakte të tjera që flasin për një lidhje të organizuar të strukturave të SHIK-ut që kanë të bëjnë jo vetëm me ekzekutime dhe shantazhe por edhe me forma të tjera të aktiviteteve kriminale. Kështu pas publikimit të CD-së së parë në të cilën vetë agjenti i SHIK-ut Nazim Bllaca flet për strukturën e organizimit të sektorit të ekzekutimeve të SHIK-ut, në CD-në e dytë dëgjohet inçezimi në mes të Nazmi Bllacës dhe Shpresim Ukës e Fahredin Ramës ndërsa në CD-në e tretë dëgjohet biseda në mes të Nazim Bllacës, babait të Nazimit e Hysri Ramës. Sipas këtij inçezimi dëgjohet qartë biseda sipas së cilës Ish-polici i SHPK-së, Hysri Rama, e pranon se ka marrë kapar (paradhënie) mbi tre mijë euro nga Shaban Syla, për ta vrarë Nazim Bllacën, i cili është deklaruar si ish-agjent i Shërbimit Informativ të Kosovës (SHIK), shërbim ky i afërt me Partinë Demokratike të Kosovës. Në këtë incizim, I cili është bërë më 21 qershor të këtij viti në shtëpinë e Hysri Ramës, në fshatin Sankovc të komunës së Drenasit, ai e pranon se është paguar 100 mijë euro për ta vrarë Bllacën. Sipas familjes Bllaca pazari për vrasjen e Nazimit, ndërmjet Hysri Ramës dhe Shaban Sylës – kushëri i afërt i Azem Sylës, është bërë në gusht të vitit 2007.
Ky audioinçezim do të pos që do të shfrytëzohet si prove e re në rastin e gjykimit të agjentit të SHIK-ut Nazim Bllaca, do të nxjerrë në dritë edhe shumë fakte të tjera të këtij rrjeti kriminal. Prokurorët e EULEX-it sigurisht se do të shfrytëzojnë këtë audioinçezim për të zgjeruar rrjetin e pjesëmarrësve të dyshuar në strukturat kriminale të SHIK-ut.
Nazim Bllaca është në arrest shtëpiak nën mbikqyrje të policisë së EULEX-it ndërsa fillimi I procesit gjyqësor ndaj tij do të jetë edhe një ngjarje interesante për opinionin e gjerë por do të shënojë një proces të parë gjyqësor ndaj një agjenti të SHIK-ut apo edhe të bashkëpunëtorëve të tjerë të kësaj strukture organizative që ka vepruar për më shumë se dhjetë vjet në Kosovë.