Mihallaq Qilleri: H A L L E Y

Mihallaq Qilleri: H A L L E Y



PËR E. S.

Kohë më parë ti ishte ëndërr, ishe pluhur kozmik;
Kohë më parë gjysma e botës nuk egzistonte,
Pak kohë më parë qielli im nga kometa Halley u trondit
Katastrofë a zgjim kjo vështirë se më shqetësonte !

Nuk kam besuar kurrë në fate të paqëna,
As se në ditën e tretë të lindjes sime
Zanat do të shkruanin në tepsinë e kallajt
edhe emrin tënd.
Por ti tani je gjysma e un-it, krenarisë dhe vuajtjes,
Më e shndritshmja, më e shtrenjta, që më dhemb më shumë.
Lumturia, ankthi, trishtimi dhe gëzimi ,
Ëndrra dhe zgjimi,- je ti Halley im i përjetshëm..

Mos ik më nga universi im aq i gjerë, të lutem ,
Nuk shkatërrohet bota nga shpirtra aq të shndritshëm !