Kalosh Çeliku: Ma ka lёn-e, ma ka lёn-e nёna amanet-e

nga **Agim Gashi** Mon Dec 21, 2009 2:06 am

KALOSH ÇELIKU

MA KA LЁN-E – MA KA LЁN-E

NЁNA AMANET-E

E njohin gati tё gjithё kёtё personazh tё kёtij rrёfimi modern. I madh e i vogёl. Shpeshherё edhe i duartrokisin kur e takojnё nё rrugё: edhe njё! Edhe njё! Jo, u pёrgjigjet artisti, pёr sot mjaftё e keni njё. Shkaku se: mund tё hani dru. Dru. Vite me radhё e kёndon tё njёjtёn kёngё, lyp dhe shёtitet duke u pёrkundur si endacak rrugёve tё Shkupit. Tavernё mё tavernё. Edhe nё Tetovё del ndonjёherё pas lekut. Askushi, ose pak vetё e dinё se kujt kombi i takon: i flet disa gjuhё tё rrethit ku jeton rrugёve tё Shkupit. Nuk ka urrejtje ndaj mesit, popujve me tё cilёt e kalon ditёn. Nuk i takon asnjё partie politike. Nuk shkon nё xhami t’i falё tё pesё vaktet si Haxhi Deputeti pёrpara kёmbёve tё Hoxhёs. Nuk shkon as edhe nё kishё t’i rrёfehet Priftit. Sytё i shkrepin xixa dashurie. Ndoshta, di edhe ndonjё gjuhё botёrore. Ku ta di unё. Nuk ёshtё kjo aftёsi gjithaq e rёndёsishme, aq sa ёshtё kёnga e tij patriotike nё gjuhёn shqipe nёpёr Bit – Pazar.

Lypёs i rrallё, qё ditёnatё kёrkon lekё dhe kёndon nё gjuhёn shqipe: ma ka lёn-e, ma ka lёn-e nёna amanet-e... Pёrmёtepёr, kёtё kёngё e kёndon tё pёrcjellur edhe me gjeste e pёrdredhje tё trupit e bythёve nё gjuhёn shqipe. E merreni ju me mend, shqiptarёt me çka krenohen mё sё tepёrimi si popull?! Nuk ma lejon goja, dhe nuk ma shkruan dot lapsi mes kёtyre rreshtave si shkrimtar gjoja i “moralshёm”.

Dhe, dorёn nё zemёr, personazhi im i kёtij rrёfimi tё pazakonshёm e ka goditur nё shenjё me kёtё kёngё patriotike. Prandaj, edhe fiton mё shumё se lypёsit tjerё lekё. Ec, e mos i jep lekё kёtij heroi tё ditёve tona nё Bit – Pazar, kur e shtri dorёn me kёngёn: Ma ka lёn-e, ma ka lёn-e, nёna amanet-e… I pёrdredh bythёt, kёputet nё midis, paket duke bёrё me duar gjeste artistike, thua ti se ёshtё duke e bёrё atё punё tё grave nё mes tё rrugёs, para kalimtarёve.

E çuditshme, ky lypёs nuk ёshtё si lypёsit e tjerё tё zakonshёm qё i shohim pёrditё se si enden rrugёve tё Shkupit: te Ura e Gurit, nё ndonjё kёnd tё rrugёs ku u kanё vёnё pusi kalimtarёve, ose para derёs sё xhamisё ditёn e xhuma (premte), kishёs tё dielave. ~shtё lypёs i veçantё, origjinal. Kryevepёr e kёsaj kohe shterpё, qё di tё pjellё vetёm viça tё palёpi. E provokon kalimtarin e rastit, e sidomos shqiptarin qё mezi pret ta takoj ballё pёr ballё nё rrugё. Ndonjёrit, qё nuk e kupton kёngёn e tij patriotike, ose ia shan para syve, ia bёn me shenjё tё dorёs nё fyt, improvizon se ia pret kokёn. Dihet, kjo sjellje kёtij lypsi ose tё çmenduri, i thuani ju si tё doni, shpeshherё i sjellё nё rrugё si shpёrblim edhe ndonjё shqelm tё mirё bythёve. Po, jo nuk mёrzitet shumё lypёsi i ditёve tona heroike “demokratike”. E di ky burrё lojёn e pёrditshme pёr tё fituar bukёn e gojёs se, çka ka nё gjak mё sё shumti shqiptari. Edhe e kёnaq publikun e tij nё rrugё duke dhёnё shenja profetike me dorё e kёmbё, si njё artist i pёrkryer rruge. E besoj se, lexuesi i nderuar e di ku e kam fjalёn. Shkaku: e pёrsёris edhe njёherё, nuk ma lejon “morali” im i lartё i shkrimtarit t’i pёrshkruaj aq me besnikёri ato shenja “patriotike” nё mes tё rrugёs. E dini ju, edhe unё jam shqiptar shumё i “moralshёm”, aq sa nuk bёj asnjё mёkat edhe me gruan time mё tё mirё nё botё me tё cilёn e ndaj shtratin. Fёmijёt, si tё gjithё shqiptarёve edhe ne, na i ka sjellё lejleku. E them kёtё se: ne shqiptarёt mbi tё gjitha jemi shumё tё moralshёm dhe besnikё ndaj grave. Megjithatё, ata qё e njohin dhe e kanё parё kёtё lypёs rrugёve tё Shkupit, e dinё se ku e kam fjalёn. Dhashtё Zoti, nuk u shkon mendja pёr keqkuptime, po e zgjidhin kёtё rrёfim tё lidhur nyje, ashtu siç i ka hije.

Lypёsi im kёngёtar i kёtij Qyteti ёshtё edhe shumё intelegjent: nuk i kёrkon lekё çdo kalimtari, i di ai klientёt e vet besnik. Pёrmёtepёr, edhe nuk vjedh si “lypёsit” e tjerё, qё u vёnё pusi kalimtarёve te Ura e Gurit. Ua zbrazin xhepat. Kundёrshtarёt, i provokon edhe mё keq: me shenjёn e heqjes sё kokёs.

~?! Vёrtetё kemi tё bёjmё me njё lypёs tё pazakonshёm, modern tё kёsaj kohe. Hero buke tё rrugёve tona nёpёr Bit – Pazar. E kam shёtitur botёn, po ja qё nuk mё ka ra rasti, zёnё syri tё shoh sojin e kёtij lypёsi evropian.

Lypёsit, qё kёrkon lekё duke shitur artin e tij modern sokaqeve nёpёr Bit – Pazar tё Shkupit. Dhe, kёndon kёngёn: ma ka lёn-e, ma ka lёn-e, nёna amanet-e…

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30