Vdekjet në mërgim janë të rënda

Vdekjet në mërgim janë të rënda

Milazim Dervishi
Ditë më parë në Aachen të Gjermanisë vdiq veprimtari Mustafë Haziri

Ditë më parë Aacheni me rrethinë me dhëmbje morën lajmin për vdekjen e veprimtarit mërgimtar Mustafë Hazirit. Mustafa kishte emigruar së pari në Suedi më 1991 e pastaj kishte ndërruar vendqendrimin për në Gjermani. Vendosja e tij në Würselen afër Aachenit kishte gëzuar pa masë njerëzit që e njihnin. Ai ishte i lindur më 1950 në Prilluzhë të Vushtrrisë. Pas shkollimit ai punonte në shkollën fillore „Liria“ të këtij fshati si arsimtar i mtematikës. Si shumë bashkatdhetarë edhe ky u detyrua të kërkojë strehim politik për shkak të terrorit serb që i bënte arsimit e në përgjithësi punëtorëve që merreshin me edukimin dhe arsimimin e gjeneratve të reja.
Me ardhjen në Gjermani, Mustafa iu rrek menjëherë aktiviteteve me bashkëtdhetarë për t´i ndihmuar çështjes kombëtare. Shumë vite udhëhoqi klubin „Besa“ në Aachen, ishte aktivist i zellshëm i 3%-dshit si dhe aktivist i aktivit të LDK-së për Aachen dhe rrethinë. Vdekja e gjen në poziten e sekretarit të aktivit të LDK-së në Aachen. Zemra e tij pushoi të rrahë më 7 dhjetor 2009 duke lënë mbrapa gruan dhe pesë fëmijë. Puna dhe aktiviteti i Mustafë Hazirit do të kujtohet gjatë sepse ai dinte t´i afronte njerëzit, dinte të komunikonte me ta si dhe ishte i palodhshëm në mbledhjen e ndihmave që organizoheshin për Kosovën dhe për Shqipërinë.
Bashkatdhetarët humbën një njeri të dashur, aktivist dhe një veprimtar të devotshëm.Vdekjet në mërgim janë më të rënda se në atdhe.