Gjakush Tana: U SHËROFSH ALDA! DËGJOFTË PERËNDIA !

Gjakush Tana: U SHËROFSH ALDA! DËGJOFTË PERËNDIA !



"Nuk do të doja gjë tjeter në botë vetem të ecja qoftë vetem dhe njeherë në jetë sikur kam qenë !"

Keshtu me tha Engjellorja 26 vjeçe , e nderuara Alda IMERAJ






Ti si hëna që duket e zhduket mes reve

forumit gjithmon i jep një imazh !

E di se Je lodhur ! Oh ! Shpirtin si ma theve !

Tek shfaqesh sërisht të pres ! Të flas!





Kujtoj herën e parë kur të mësova emër,

Dhe mbete Engjëllusha e një mirësie !

Më fole se dhembja të ka bërë vrragë në zemër,

plaga e saj të ndrydh në hapa ardhmërie!





Alda ! Si mund ta fsheh gjithë shqetësimin ?

Tani kur del ti , me bëhet se lind Dielli !

Nga endem , çka flas, se mbaroj rrëfimin,

ashtu siç nuk pushtohet kurrënjeherë qielli!





Si mund të gjejë barin që të shëron TY ?

Cilin varg të bëj, të të blerojë lumturia?

U bëre rrjedhë ujvare që në vargje hy !

- U sherofsh Alda ! Dëgjoftë Perëndia!

Gjakush Tana: GJITHKUND NË SHESTIM


Sa vargje, pëshëndetje , buzëqeshje të bëra
mes tyre ka dhe mall, dashuri dhe lot!
Unë ndjeva ngushtica zjarri dhe blerime të tëra
Por, vetullën dhe çerpikun s'ti harrova dot!


Si shigjeta ishin apo si batare
me shkundullimë buzëqeshjeje e arritën qiellin!
Butësia më ngrinte sado që ishe manare ,
akullnaja ndarje - ma ngrinte diellin!


Cili shteg e kishte atë pikëtakim !
Ku është vendqëndrimi në tokën e Atdheut ?!
Për gjithçka më ka mbetur urata në mërgim ,
njëra n' Adriatik tjetra në brigje t' Egjeut !

Gjithkund në udhëkryqe, gjithkund në shestim
Në cilën meridian u bëre bukuri pranvere ?
As Perendia në Tomorr se shëron shpirtin tim,
pa e prekur Zemra - prakun e asaj dere!


Vetëm atëherë do të prehem i qetë,
vetëm atëherë do të jam tribun!
Pamja jote prej Nimfe - si shqipe me fletë
do të mëkojë plagët që i kisha unë !