Shpresa Kurteshi: HEROIT (AGIM RAMADANIT)

Shpresa Kurteshi: HEROIT (AGIM RAMADANIT)

I’u ngjita malit te përpjetë,




Rrugës së pa shtruar
Rreze kodrës kapun.
Rrugëtova dhe u ngjita në
Maje mali,
Atje ku plasi pushka,
Atje ku jehoi,
Atje ku gjëmoi,
Vullkani flaki dheun,
Atje ku ranë dëshmor.
Lagështia kishte kapluar,
Të ngjante në vesë mëngjesi
E sa lule shumë që
Livadhin kishin zbukuruar.
Me ngadal afrohesha
Dhe kujtoja kohën e lavdisë
E qetë të mos I zgjoja
Engjujt e perendisë.
Lum si ti moj moj fushë e blertë,
Në gjirin tënd lum kush pushon,
Qofsh e bekuar ti e madhërishme,
Krenohu,mburru se për ty ranë.
Se Ai dikur e tha:
“po shkrihem nuk po tretem”,
Të gjith këta heronjë
Përherë tek ty do të mbeten.
Do të jenë engjujt tanë ,
Simboli I bashkimit,
Arma e lirisë ,
E thanë qart e dashura nënë
“nuk ka kufij mes vllezërisë”.
Aty ranë,
aty do të mbeten,
Nga atje do ta ruajnë lirine,
Atje nuk vyshken lulet,
atje nuk shuhet dielli,
atje nuk zhduket gjelbrimi,
atje flenë shqiponjat,
atje pushon Agimi.