Agim Gashi:DO TË VIJË NJË DITË

Një popull, një komb, një histori dhe një shtet!



Agim Gashi
DO TË VIJË NJË DITË

Fëmijët sot s´këndojnë
N´Kosovën time t´mjerë,
As lulet më nuk çelin,
Si çilnin përherë.

Nuk kanë çantë as libra,
Pa shkronja kanë mbetë;
Edhe mësuesi i tyne
Në kurbet ka tretë.

Dalin, protestojnë
E bëjnë demonstrata;
Shikon loke, e mjera,
Edhe qan e ngrata.

Policia serbe
Vranë, pren e grin,
Nuk i len në shkolla
Të shqipes fëminë.

I ka mbyllë ato
Me roje e dry,
Mësuesve e rpindërve
Zemra ju ka ndry`.
Por, do te vijë koha,
Shkollat do të çilen;
S´bashku mësues e nxënës
N´valle do të hidhen.

Do të mësohen shkronjat
Dhe ritmet e valles,
Do t´këndohen këngët
E Jusuf Gërvallës.

Do t´mësohen vjershat
E t´madhit Naim,
Nëpër shkollat tona
Do të ketë hare e gëzim.

Do t´mësohet De Rada,
Do t´mësohet Gjergj Fishta;
Do t´i tregojmë botës
Se nuk vdes kurrë shqipja.

Sikur në gjithë botën
Do t´këndojë fëmija,
Do t´lulëzojë Kosova
Do të vijë liria.

Kur të vijë ajo,
Le t´vijë dalngadalë,
N´Kosovë do të çelin
Trëndafilë e lalë.

Rrezet dielli ynë
Fort do t´i shumojë,
N´Kosovën e lirë
T´ngrohta do t´i lëshojë.

Fytyrat shqiptare
Do të qeshin prore,
E gëzuar dhe e mbarë
Gjithë toka Arbënore

Poezi e shkruar më 1988 në Burgun i MItrivicës me kokrra shkrepse dhe e qitur jash me rrobat e palara!

Një popull i tërë ishte i burgosur!


Me rrethim të hekurt mbahej një poull.



Jemi në gjysmë të rrugës!