Fronti Bashkimit Kombëtar Shqiptar

nga **Agim Gashi** Fri Oct 22, 2010 1:04 am

Fronti Bashkimit Kombëtar Shqiptar
Nr. 12/2010
Prishtinë, 1910.2010 [/size]

Fronti Bashkimit Kombëtar Shqiptar Fbksh%5B1%5D

Kohëve të fundit nëpër medie qofshin ato të shkruara apo vizuale, shohim shkrime ku dënohen individ dhe grupe njerëzish që veprojnë në emër të AKSH-së për përfitime personale. Fronti Bashkimit Kombëtar Shqiptar në kuadër të së cilës dikur vepronte AKSH-ja distancohet nga ata njerëz që veprojnë kundërligjshëm në emër të AKSH-së. FBKSH-ja ka kohë që ka kërkuar nga anëtarësia e gjerë dhe e ngushtë që të mos guxojë askush të veprojë, të thirret në emër të AKSH-së, e aq më pak të përfitojë përfitime të ndryshme. Lidhur me veprimet e atyre njerëzve që merren me punë të ndyta dhe të palejueshme e të turpshme, FBKSH-ja kërkon nga organet e SHPK-së që të jenë të pa kompromis në luftimin e gjithë atyre që veprojnë kundër ligjit. Ata që veprojnë në emër të AKSH-së, jemi të bindur se nuk kanë asgjë të përbashkët me AKSH-në e vërtetë, zaten ata përveç përfitimeve të pista, për tjetër nuk qajnë kokën, nuk mërziten ata pse e njollosin AKSH-në me veprimet e veta. Prandaj Fronti Bashkimit Kombëtar Shqiptar lidhur me këtë lëshon këtë:

D E K L A R A T Ë

AKSH-ja në bazë të planit strategjik të veprimit ka përfunduar veprimet e saja në Republikën e Kosovës që nga data 17.02.2008, dhe për këtë periudhë kohore njerëzit e saj asnjëherë nuk kanë vepruar. Këto që dëgjohen kohëve të fundit me përgjegjësi të plotë themi se ata njerëz nuk i takojnë AKSH-së së vërtetë.

Forma strategjike e veprimit të mëtutjeshëm të AKSH-së është vendosur të bëhet në përputhshmëri me rrjedhat dhe zhvillimet politike në vend dhe në rajon.

I gjithë potenciali i AKSH-së është tërhequr nga jeta publike dhe me vendim të organeve më të larta AKSH-së i pushon aktiviteti. Me këtë kemi dashur që t’i hapet rruga e proceseve demokratike, legale dhe në rrugë paqësore.

Çdo inskenim kinse i paraqitjes së AKSH-së në vende publike, aq më keq duke u marrë me veprime ekstreme terroriste, janë të papranushme dhe bëhen kryekëput nga njerëz apo më mirë me thënë nga profiter të ndryshëm, nga njerëz që nuk ia duan të mirën kombit shqiptar dhe proceseve demokratike që është duke ecur shteti ynë. Veprimet e atyre njerëzve nuk kanë asgjë të përbashkët me kombëtarizëm, për ta primare është përfitimi në rrugë të kundërligjshëm, nëpërmjet të frikës dhe shantazheve të ndryshme. Të gjitha këto veprime të atyre njerëzve janë në kundërshtim me platformën e AKSH-së së vërtetë.

Kërkojmë me çdo kusht që bartësit e atyre veprimeve dhe dukurive të tjera të ngjashme të kapen dhe të sillen përpara drejtësisë, si edhe emrat e tyre të bëhen publike.

Gjithashtu kërkojmë nga përfaqësuesit e medieve dhe zëdhënësit e asociacioneve informative që këto ngjarje t’i demaskojnë me kohë, ndërkaq veprimet e tyre t’i mos i “lidhin” me veprimtarinë kombëtare dhe atdhetare të AKSH-së së vërtetë

Ju faleminderit për mirëkuptim !

Për FBKSH-në,

prof. Arbër Kastrioti

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31