Dega e LDK-së për Beneluks përgëzon Kryetarin dhe Kryesinë e Re të zgjedhur nga vota e lirë e delegatëve

nga **Agim Gashi** Mon Nov 08, 2010 8:47 pm

Të dielen e kaluar në Prishtinë, Lidhja Demokratike e Kosoves, mbajti kuvendin e saj të shtatë me radhë, ku zgjodhi kryetarin dhe këshillin e përgjithshëm, ku më pastaj u zgjodh edhe kryesia e ngushtë e saj.Me këtë rast, Dega e LDK-së për Beneluks, kryetarit të sapozgjedhur në mënyrë vërtet demokratike nga vota e lirë e delegatëve, z.Isa Mustafa, i uron përzemërsisht detyren e kryetarit të ri të LDK-së,gjithashtu edhe kryesisë së re punë të mbarë dhe të suksesshme drejt fitores në zgjedhjet e jashtëzakonshme të muajit të ardhshëm.Kryetarit të deritashëm, z.Fatmir Sejdiu i shpreh mirënjohje dhe falenderimet më të sinqerta për kontributin e tij dhënë partisë, i cili përkunder faktit se kësaj radhe nuk e fitoj voten e shumices në kuvend,e ka merituar që u shpallë kryetar nderi i LDK-së.
Ishte edhe kjo një sprovë të cilen e kaloj me plot sukses Lidhja Demokratike e Kosoves, dëshmoj qartë se është partia e vetme që respekton së pari elektoratin,e siq tha edhe vet z.Mustafa,se "asnjë parti tjetër politike nuk e ka të zhvilluar si LDK frymën e debatit dhe konkurrencës së brendshme. Asnjë parti tjetër në Kosovë nuk mund të matet me LDK-në sa i përket frymës së tolerancës dhe mirëkuptimit dhe për atë se anëtarët e LDK-së mund të mendojnë edhe ndryshe".
Kryetarin e zgjedhur nga vota e lirë e delegatëve,si dhe LDK-në në përgjithësi e pret punë e madhe,aq më parë kur tani jemi në prag të zgjedhjeve nacionale të 12 dhetorit 2010.Por, ashtu si deri më tash, kur organizoj me plot sukses zgjedhjet brendapartiake, LDK-ja do ta gjejë rrugen e votëbesimit, dhe kemi bindjen se do të jemi sërish partia numer një, sikur që ishim në kohen e presidentit tonë historik Dr.Ibrahim Rugova.Andaj ftojmë të gjithë ata që për ndonjë arsye e braktisen LDK-në,të na bashkangjiten, dhe së bashku të kontribojmë në ndërtimin e mirëfilltë të shtetit tonë Republikes së Kosoves, demokratizimin e shoqërisë, zhvillimin e ekonomisë, edukimin dhe arsimimin e brezit të ri e tjera.
Dega e LDK-së për Beneluks është e interesuar të vazhdoj bashkëpunimin e ngushtë me Kryetarin e ri z.Isa Mustafa, dhe me kryesinë qendrore për t'i koordinuar veprimet për të miren e shtetit tonë dhe apelon qysh tani që si prioritare në planprogramin e LDK-së të jetë edhe qështja e formimit të Ministrisë së Diaspores në Qeverinë e ardhshme të Kosoves, ku Dega jonë do të jepë kontributin e vet në maksimum për mbarëvajtjen e kësaj Ministrie jetike për të gjithë ne që jemi të vendosur jashtë vendit.

Komisioni për Informim i Deges së LDK-së për Beneluks.

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31