Mentor Thaqi:BACLOKUT, NDERIMIN E MADH DHE MIRËNJOHJEN KOMBËTARE IA JAPË E RUAN VEPRA E TIJ ARTISTIKE-ATDHETARE! NE I FALIM DASHURINË!

nga **Agim Gashi** Sat Nov 13, 2010 2:45 am

BACLOKUT, NDERIMIN E MADH DHE MIRËNJOHJEN KOMBËTARE IA JAPË E RUAN VEPRA E TIJ ARTISTIKE-ATDHETARE! NE I FALIM DASHURINË!

Mentor Thaqi

Vargje nderimi!

JEHU I DHIMBJES KUMBUESE

(Bacalokut - Din Mehmeti)

Nga Rrasa e Zogut, rrokotel orteku,

në gjocaj e Junik, tevona,

Zogu i Diellit paska ikur,

në Përjetsinë e vet!

Loti në qepalla,para se të ngrijë-kristal,

në tejdukshmërinë e dhimbjes,

pranë bebzave, shterroi,

dikush tha: ejani,

kënga majekrahçe, është vaji i burrit!

Legjenda e gjallë, kësaj here

disi ndryshe fillon,

se vërtetë, na ishte njëherë,një Roje Arti,

ke Portë e Madhe e Letërsisë,

Protokollin Artistik me majëpene praronte,

atëbotë kur ra "Ora" dhe "Agu" ia mbërriu,

në Kosovë, me Zogun e Diellit!

Ah Gjakovë e kuqe!

Po a mund ia numërove hapat gjigantë,

kalldrëmit të Çarshisë ...,

shkallëve të Kullës-Saraj të ... Pashë Drenëve,

mbetur Muze pas gjëmëmadhes së Ali Maxharrit,

se qebesa as Erenik e Dri,Lavdinë dot s´ia marrin?!

Eu, Lahutar i rreshtave të shkrimit,

po, zëri yt me germa jehon!

Sa në Gjeravicë, e sa në Shkelzen e Korab

dhe drejt e në prehër të Trashëgimisë!

E Vera e ngrohtë dukagjinase,

krahëhapur pret e zemërgjërë përcjellë,

Krushqit e Poezisë,

në Mitingun, demek Kuvendin e shkronjave

në fjalë të gdhendura

si çoshet e gurit, Kullave të dy Rekave!

Se pasha Lahuten e Mehmet Dinës,

Traditen nuk e lëshojmë, jo,

fundja, brezat rreth e rreth, në përtëritje

sillen: Din Mehmeti i Mehmet Dinës së Din Dardanit,

dhe, sërish nga e para

se fundin nuk e njohim!

Eh, eh, eh!

Qebesa, nuk thuhej kot ahera,

se, ky djalë i vyer do bëhet.

As ngredhi e as hundënaltë,

në opinga, çorapë të leshta, arrë-murrme,

herrken krihëve e drejt kah Shkolla,

amanetin e pathënë shlirshëm,

Plakut jetik në vend,

ky Burrë i Madh i Gjocajve malsorë,

apotheozë kohës, i thurë,

e Lavdisë dhe Nderit,

fill e për pe,

shmangia vend nuk gjeti!

Mentor Thaqi VS., 12.11.2010

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30