Martirët e Kosovës që prehen në Kosovën e lirë e të pavarur

nga **Agim Gashi** Sat Jan 08, 2011 7:21 pm

Martirët e Kosovës që prehen në Kosovën e lirë e të pavarur

Shkruan:Shaban CAKOLLI

Martirët e Kosovës që prehen në Kosovën e lirë e të pavarur Njoftimi_9

Në përkujtim të dëshmorëve

Janari është muaji në të cilin figura të mëdha të kombit tonë ranë heroikisht në ballë të detyrës së shenjtë për çlirimin dhe bashkimin kombëtar: që nga Gjergj Kastrioti, Isa Boletini (i vrarë pabesisht nga shovinistët malazez) e deri më 17 janar 1982, kur UDB-ja serbo-sllave në Untergrupenbach të Gjermanisë vrau atdhetarët zemërzjarrtë - Jusuf e Bardhosh Gërvallën dhe Kadri Zekën.
Këta trima shquheshin me punën e tyre patriotike, me solidaritetin e madh vëllazëror ndaj bashkatdhetarëve, të cilët i ndihmonin në çdo rast, shquheshin për nga intelektualiteti, në organizimin e demonstratave shqiptare anekënd shteteve perëndimore. Jusufi, Bardhoshi dhe Kadriu kanë luajtur një rol të veçantë në sensibilizimin e opinionit të huaj rreth çështjes së Kosovës. UDB-ja i vrau, sepse ua kishte frikën. Ata kishin të vetmin ideal Shqipërinë e bashkuar. Ne i vlerësojmë lart, nderojmë veprën dhe figurën
e tyre. Që nga rënia e tyre në atë janar të kobshëm, në çdo janar janë tubuar shqiptarët e mërguar nga të gjitha shtetet e Perëndimit dhe bënim homazhe mbi varre e tyre, në vendin ku pushonin vëllezërit Gërvalla dhe Kadri Zeka. Kolona të mëdha njerëzish kalonin në heshtje duke vënë lule mbi varret e martirëve. Edhe shikimet e tyre sikur donin të thoshin: Ne jemi me ju, idealin tuaj nuk e tradhtojmë, mirëpo derisa bëheshin homazhe mbi varrezat e dëshmorëve në Shtutgart, koha në të cilën ndodheshim
hapte varre të reja dhe çdo ditë shtonte numrin e dëshmorëve. E në atë kohë kur ne tuboheshim për homazhe në Shtutgart, atdheun e kishim nën rënkimin e plagëve nga pushtuesi, luftën e kishim përpara.
Ne donim të jetonim të lirë, por liria kërkonte më shumë sakrifica. Dhe deshën trimat e deshi edhe Zoti dhe ngjau mrekullia: trima mbi ngjeshën armët e i thanë pushtuesit: Kurrë më nuk durojmë robërinë tënde. Me gjak e sakrifica liria erdhi. E për këtë liri vite më parë kishin rënë Jusufi, Bardhoshi e Kadriu, kurse ne sa herë tuboheshim për homazhe te varret e tyre, më dukej sikur po dëgjoja zërat e tyre: “Mos na e shtoni barrën duke na shkelur mbi varre, mos na rëndoni me lule të vyshkura të Perëndimit mbi kokë, po bëni çmos ta bëni atdheun e lirë! Na i bartni eshtrat në atdhe, sepse vetëm atje do të prehemi të qetë. Eh, dhimbje që nuk përshkruhej: ne kishim të bënim me armikun më të ndyrin, që
të vriste trimat liridashës dhe as të vdekur nuk i lejonte që trupa e tyre të kthehen në tokën e atdheut!
Falë luftës çlirimtare të UÇK-së, erdhi edhe ajo kohë, kur mbi varrezat e tyre u dëgjua një zë i shumëpritur: Erdhëm t’jua bëjmë me dije se amanetin tuaj e quam në vend, Liria për të cilën u sakrifikuat ju, erdhi! Atëherë trimat u ringjallën, lanë gërmadhat e Perëndimit, e toka e Kosovës i priti krahëhapur. U kishte ndërtuar troje plot stoli atdheu, e rrugët ua kishte shtruar me lule plot aromë lirie.
Kosova i priti kraharorhapur, e sot ata prehen të qetë në tokën e lirë të Kosovës.

http://botasot.info/def.php?gjuha=0&category=65&id=97400

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30