Topalli: Mos i lini fëmijët që Rama t’i bëjë mish për top

nga **Agim Gashi** Sun Jan 23, 2011 12:16 am

Topalli: Mos i lini fëmijët që Rama t’i bëjë mish për top

Kryetarja e Kuvendit, u drejton publikisht një mesazh dhimbje dhe shqetësimi shqiptarëve, si grua dhe si nënë

“Ndodhem në këtë komunikim publik për t’u drejtuar një mesazh dhimbje dhe shqetësimi i shqiptarëve, si grua dhe si nënë”.
Me këto fjalë e ka nisur deklaratën e sotme para publikut, kryetarja e Kuvendit, Jozefina Topalli, e cila iu është drejtuar në fillim në radhë të parë, grave dhe nënave, që me pikëllim kanë ndjekur shpërthimin e dhunës së verbër, që tmerroi te gjithë shqiptarët.
“Dhuna e verbër dhe thirrjet për gjak, që s’kanë të ndalur, kërkojnë të bëjnë pre’ jetën tonë dhe të fëmijëve tanë. Mos i dëgjoni ata!”, tha Topalli.
Duke shtuar se “lideri që vë përpara fëmijët për t’i përdorur si "mish për TOP ”, nuk duhet dëgjuar!”

”Njeriu që urdhëron bashkëpunëtorët të vdesin urie dhe vetë gajaset me vuajtjen e tyre, nuk duhet besuar!
Burri që gruan e përbuz dhe fëmijën e tij e urren, nuk duhet ndihmuar!
Udhëheqësi që mbështetësit i shtyn në krim dhe pastaj i nxjerr në pritë, duhet përçmuar!
Politikani, që thjesht dhe vetëm për karrigen e ti, kërkon jetën e fëmijëve tanë (qofshin këta policë a protestues), duhet izoluar!
U drejtohem nënave, motrave e grave shqiptare, të gjitha atyre që u është dridhur zemra për bijtë, vëllezërit, burrat në të dyja anët e Bulevardit “Dëshmorët e Kombit”,- është koha për t’i dhënë fund dhunës, e për t’i bërë thirrje arsyes!
Dhe nëse “lideri” që ve përpara turmat dhe vete fshihet pas xhamave te erret te lokaleve luksoze arsyen e urren dhe për këtë kërkon jetën e fëmijëve tanë, atëherë është detyra jonë si nëna, motra e bashkëshorte, t’i themi ndal!”, tha në fjalën e saj Topalli.
Duke shtuar më pas se gjatë këtyre 20 viteve, arritja më e çmuar e Shqipërisë dhe shqiptareve, ka qenë ngritja e sistemit demokratik, me institucione demokratike, me rend kushtetues demokratik.
“Dje ato u goditën rëndë nga një dhunë e verbër, e pashembullt, e panevojshme, e paarsyeshme, e paralajmëruar, e dënueshme dhe e dënuar nga te gjithë miqtë dhe partnerët tanë para dhe pas inskenimit te saj.
Ai që refuzon të kryej detyrat e liderit, ai që fshihet pas xhamave të errëta të lokaleve luksoze, ka objektiv dhunën, shkatërrimin e institucioneve, prishjen e paqes dhe të qetësisë së çdo familjeje shqiptare dhe këtë kërkon ta bëjë, duke përdorur si "mish për TOP ”, fëmijët, burrat, vëllezërit tanë.
Të dashura nena e motra,
Është koha për t’i dhënë fund dhunës! Është koha, që ju të thoni fjalën tuaj”, ishte apeli i drejtuar publikisht nga kryeparlamentarja Topalli.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30