Pasqyra e zezë e trojeve shqiptare

Kapet në flagrancë një zyrtar i Ministrisë së Punëve të Brendshme

Besnik Boletini
I dyshuari është arrestuar dhe është dërguar në ndalim policor për 48 orë me urdhër të prokurorit publik në Ferizaj', informoi zëdhënësi i Policisë, Arbër Beka.

Prishtinë, 7 gusht
Të enjten është arrestuar një zyrtar i Ministrisë së Brendshme, i cili ishte kapur në flagrancë për marrje të mitos nga qytetarët për të rregulluar dokumente të udhëtimit. “Ditë më parë në zonën e përgjegjësisë së zonës se Ferizajt, është arrestuar zyrtari i Ministrisë së Brendshme E. Omuri (1957), në vendin e tij të punës, për shkak të marrjes së mitos, me autorizim të prokurorit ai është kontrolluar dhe është arrestuar”, tha zëdhënësi i Policisë së Kosovës Arbër Beka. Ai tha se hetimet ndaj këtij persosni kishin filluar me kërkesën e Ministrit të Punëve të Brendshme Zenun Pajazitit, i cili kishte marr shqetësime për këtë rast. “Me kërkesë të Ministrit të Punëve të Brendshme Zenun Pajazitit, është iniciuar hetimi fillestar për një zyrtar të Qendrës Komunale të Regjistrimit Civil në Ferizaj. Hetuesit kishin kontaktuar me ankuesin, i cili është shtetas i Kosovës që jeton në Gjermani. Ai kishte deklaruar se kur kishte shkuar në qendër të regjistrimit civil për të marrë dokumentet e tij të udhëtimit (letërnjoftimin dhe pasaportën), nuk ka mundur t’i marrë sepse zyrtari në fjalë është arsyetuar se dokumentet e tij nuk janë të gatshme. Bashkatdhetari kishte marr informacione se zyrtari i MB-së i mban dokumentet e tij në xhep, kështu që i ka njoftuar hetuesit dhe pas kontrollimit të zyrtarit në fjalë, i janë gjetur dokumentet pikërisht në xhep, gjithashtu atij i janë konfiskuar edhe disa dokumente të tjera që dyshohen se ka bërë edhe keqpërdorime të tjera. “Ankuesi kishte marrë informata se dokumentet e tij janë përgatitur dhe se zyrtari tashmë i arrestuar i mban ato në xhepin e tij. Ankuesi ka njoftuar se personit zyrtar në Qendrën Komunale të Regjistrimit Civil në Ferizaj i kishte dhënë 170 euro për t’ia rregulluar letërnjoftimin e Kosovës dhe pasaportën. Hetuesit kishin kontaktuar me prokurorin dhe kishin marrë autorizimin për kontrollin e zyrtarit në fjalë dhe gjatë kontrollit në xhepin e personit të dyshuar policia ka gjetur letërnjoftimin edhe pasaportën e ankuesit. Hetuesit nga zyra e të dyshuarit kanë konfiskuar edhe dokumente të tjera pasi që dyshohet edhe për keqpërdorime të tjera.
I dyshuari është arrestuar dhe është dërguar në ndalim policor për 48 orë me urdhër të prokurorit publik në Ferizaj', informoi zëdhënësi Beka.
Edhe këshilltari i Ministrit Pajaziti, konfirmon se kanë marr shqetësime për këtë rast, dhe duke marr parash që në këtë sezon ka shumë bashkatdhetar që i rregullojnë dokumentet e udhëtimit, është kërkuar bëhet një monitorim më i madh nëpër qendrat e regjistrimit civil. “Ne kemi marr shqetësime për këtë rast, dhe kemi kërkuar që të bëhet monitorimi më i madh i të gjitha qendrave të regjistrimit civil në Kosovë, kur dihet se ky sezon është kur ka fluks më të madh të bashkatdhetarëve të që rregullojnë dokumentet e udhëtimit. Por, ne nuk iniciojmë hetime i mbetet policisë së”, theksoi Duraku

100 të vdekur në 85 aksidente

Albulena Neziri
Rritet numri i aksidenteve në komunikacion




Është rritur 23 për qind më shumë numri i aksidenteve në komunikacion, brenda periudhës janar-korrik të vitit 2009, në krahasim me atë të vitit të kaluar, ku si pasojë e këtyre aksidenteve numri i personave të vdekur është rritur për 40 për qind.

Prishtinë, 14 gusht
Është rritur 23 për qind më shumë numri i aksidenteve në komunikacion, brenda periudhës janar-korrik të vitit 2009, në krahasim me atë të vitit të kaluar, ku si pasojë e këtyre aksidenteve numri i personave të vdekur është rritur për 40 për qind. Kështu u bë e ditur të premten në konferencën e rregullt për media nga Policia e Kosovës. Jeton Rexhepi, nga drejtoria e trafikut rrugor tha se shkaktarët kryesor të aksidenteve në trafik, janë tejkalimi i shpejtësisë, mos mbajtja e distancës së duhur, mungesa e kulturës në komunikacion, mos respektimi i ligjit etj. Mirëpo, ky numër i shtimit të aksidenteve u vlerësua si shqetësues, pas marrjes së masave paraprake, shtimin dhe aktivitetet policore, kontrollimin dhe mbulimin e rrugëve për kundërvajtësit në komunikacion, si dhe shtimin e patrullave lëvizëse. “Në vitin 2008, gjatë periudhës janar-korrik nga 62 aksidente të rënda, kanë humbur jetën 71 persona, ndërkaq në vitin 2009 nga 85 aksidente, 100 persona kanë vdekur, duke theksuar se në përgjithësi numri i aksidenteve në komunikacion është më i madh i atyre që janë me targa të Kosovës, sesa me targa të huaja”, tha Rexhepi. Duke marrë parasysh rritjen e aksidenteve dhe fillimin e vitit shkollor, Policia ka paraparë Planin operativ, i cili është edhe muaji i sigurisë në komunikacionin rrugor, përmes së cilës parashihet ofrimi i informatave me rregullat e komunikacionit për nxënësit e klasës së parë deri në të pestën” theksoi Rexhepi. Ai thotë se në bazë të këtij plani parashihet që njësitë e trafikut të jenë afër shkollave, të ketë një kontrollim të shtuar të transportuesve për fëmijë, ndërsa Policia njoftoi qytetarët se për fëmijët deri në moshën 7 vjeçare me ligj është i paraparë përcjellja e tyre nga prindërit ose të moshuarit. Në këtë konferencë u fol edhe për instalimin e ‘Bazës së të dhënave për patentë shofer’. Zyrtari i Ministrinë e Punëve të Brendshme, Musa Thaçi, bëri të ditur se fjala është për një sistem “online”, i cili do të instalohet edhe në veturat policore dhe të cilëve do t’iu mundësojë të kenë qasje direkt gjatë punës në terren. Në këtë bazë do të bëhet edhe regjistrimi i pikëve negative për shoferët. “Ky aplikacion do të jetë i ndërlidhur me modulin e gjykatave, policisë, Ministrisë së Transportit. Në të do të përfshihen edhe ‘pikët negative’ të marra nga shoferët e të cilat do të jenë të pashme për Policinë, zyrtarët e MPB-së si dhe gjykatat do të mund t’i shqyrtojnë”, tha Thaçi. Ai theksoi se ky aplikacion është i kohës moderne, i cili është në fazën e testimit dhe se me fillimin e përdorimit të këtij aplikacioni do të jetë një lehtësim për shërbimet ndaj qytetarëve, për sigurinë në komunikacion rrugor, pasi që aktualisht ka një kaos sa i përket informacioneve direkte në rrugë.

Kosovë: policia arreston shtatë persona për krim të organizuar




Zëdhënësi i policisë Arbër Beka


Policia e Kosovës, bëri të ditur se janë arrestuar shtatë persona të përkatësive të ndryshme etnike nën dyshimin për përfshirje në krim të organizuar. Arrestimet janë kryer në qytetin e Vushtrrisë që ndodhet në mesin e rrugës Prishtinë – Mitrovicë. Në mesin e të arrestuarve janë tre shtetas të Serbisë, nga të cilët dy pjesëtarë të komunitetit serb dhe një i atij boshnjak dhe katër shqiptarë, shtetas të Kosovës.

Zëdhënësi i policisë Arbër Beka tha se të gjithë të arrestuarit që dyshohen për përfshirje në krim të organizuar, po mbahen në paraburgim. Ai tha se gjatë arrestimit policia ka konfiskuar një sasi të konsiderueshme të stolive të arit të cilat arrijnë vlerën në disa qindra mijëra euro.

Zëdhënësi Beka tha se nëpërmjet zyrave ndërlidhëse të Interpolit do të vazhdojë procesi i përcaktimit të origjinës së gjësendeve të zbuluara gjatë operacionit i cili ka vazhduar më bastisje në Prizren e Prishtinë ku ndodhen shtëpitë e disa prej të arrestuarve.

Në tri incidente, arrestohen 10 persona!




Prizren, 17 gusht

Në orët e hershme të mëngjesit të së hënës, emergjenca spitalit të Prizrenit ka alarmuar policinë, se katër persona janë sjellë me lëndime trupore, nga të rënat me mjete të mprehta. Policia në vendin e ngjarjes ka konstatuar se në mesin e pacientëve, ishte një i dyshimtë dhe tri viktima të përleshjes. Në ndërkohë, në ambientet e spitalit arritën edhe familjarët e të dyshuarit, me ç'rast ka pasuar edhe sulm mbi patrullën policore, në ndërkohë që arritën përforcime nga ana e policisë, me ç'rast, është përdorë edhe spreji, për ta mbajtur situatën nën kontroll. Ngjarja ka përfunduar me arrestimin e 7 të dyshimtëve. Ndërkaq që një rast tjetër ndodhi në fshatin Atmaxhë të komunës së Prizrenit, kur arrestohet një i dyshuar, pasi që në përleshje e sipër, kishte therë me thikë bashkëfshatarin e tij. Po ashtu, gjatë ditës së hënë, u arrestua edhe një prizrenas dhe një banor i lokalitetit të Mamushës, pasi që akuzohen si sulmues ndaj bashkëshorteve të tyre. Rastet janë proceduar te subjektet juridike për trajtimet e mëtutjeshme ligjore.

M. Shasivari

Vlorë:Rishfaqen maskat

Ngjarja ka ndodhur në aksin rrugor Vlorë-Selenicë, në vendin e quajtur Bregu i Llanit. Siç bën me dije policia e Vlorës, sulmi është kryer nga dy persona të maskuar dhe të armatosur.



VLORË - Maskat janë shfaqur në orët e vona të mbrëmjes së djeshme, ndërsa guximi për të sulmuar me armë është marrë për vetem 10 mijë lekë. Ngjarja ka ndodhur në aksin rrugor Vlorë-Selenicë, në vendin e quajtur Bregu i Llanit. Siç bën me dije policia e Vlorës, sulmi është kryer nga dy persona të maskuar dhe të armatosur. Nën kërcënimin e një pistolete ata kanë ndalur 29 vjeçarin Erjon Sheraj që udhëtonte me mjetin e tij, Benz 124 me targa BD 645 CP në këtë aks. Ai kishte qenë në baxhon e të atit për të bërë furnizime dhe po kthehej në drejtim të Vlorës, ku edhe banonte.
Teksa ka qenë ndërmjet fshatrave Armen e Selenicë, 29 vjeçarit i kanë dalë përpara dy persona të maskuar, një prej të cilëve ka nxjerrë pistoletën. I maskuari, nga jashtë makinës, i ka drejtuar armën në kokë, duke i kërkuar shumën e lekëve që kishte me vete. Në këto kushte i riu ka nxjerrë portofolin, ndërsa maskat me shpejtësi kanë marrë lekët. Por të pakënaqur me shumën ata kanë rikërcënuar që të nxjerrë të gjitha lekët. Pasi nuk kanë patur gjë tjetër për të marrë, dy personat e maskuar i kanë marrë edhe celularin duke mos i lënë mundësi komunikimi dhe duke e detyruar të riun të ndryshonte rrugën, pra të kthehej nga kishte ardhur. Por nuk ka mbaruar vetëm me kërcënimin dhe grabitjen. Në kohën kur automjeti po kthehej, maskat kanë qëlluar me armë xhamin e pasëm të makinës, i cili është thyer dhe plumbi ka mbetur në kornizën e derës.
Policia ka mbërritur në vendngjarje, ku nga specialistët është shqyrtuar gjithçka. Nga shpjegimet që 29 vjeçari u ka dhënë policëve, ai ka treguar se kalonte shpesh në këtë rrugë dhe ndoshta kjo ka bërë që të planifikohet grabitja, duke menduar se mbante me vete shuma të mëdha lekësh. I riu ka mohuar të ketë patur probleme, apo konflikte të mëparshme, ndërsa nuk ka njohur agresorët. Policia po punon për dokumentimin e gjithë ngjarjes. Ka nisur hetimi për identifikimin e maskave, mbi të cilët rëndon akuza e vjedhjes me armë. Në raste të tilla më e pakta ata rrezikojnë 10 vjet burg.

Arrestohet në Londër shqiptari i akuzuar për vrasje

Arrestimi i tij u bë pas disa javesh survejim nga policia britanike.




Nje shqiptar eshte kapur nga oficeret e Skotland Jard ne Londer. Ai akuzohet per 2 vrasje te mbetura ne tentative. Policia shpreson qe kapja e tij te coje ne kapjen e vellait te shqiptarit, qe kerkohet nga Interpoli

LONDER-Arrestohet ne Londer një kriminel shqiptar i kërkuar për dy vrasje të mbetura në tentativë. Admir Doda 33 vjeç ishte i kërkuar për dy vrasje në tentative, por edhe për posedim armesh. Ai është kapur nga oficeret e Skotland Jard në një shtepi në veri të Londres. Ne fakt vellai i tij me i vogel Gentian Doda 31 vjec eshte një nga 10 me të kerkuarit nga policia shqiptare. Ai dyshohet për një vrasje te dyfishte ne 1997 dhe ende nuk eshte kapur. Pavarësisht kësaj Gentian Doda është dënuar në mungesë në Shqipëri me 25 vite burg. Nderkohe Admir Doda me pseudoniomin "Mirja", pritet te perballet me procedurat ligjore per ekstradim ne Shqiperi.
Arrestimi i tij u bë pas disa javesh survejim nga policia britanike. Eshte hera e dyte qe Admir Doda perballet me procesin e ekstradimit. Ne 2003 ai u ekstradua nga autoritetet policore italiane ne lidhje me nje vrasje te nje shqiptari tjeter, por u lirua pasi nuk pati deshmitare per kete ngjarje. Fotoja e tij ka qene prej kohesh ne faqen e internetit te personave te kerkuar nga Interpoli. Gjetja e Admir Dodes pritet te coje ne arrestimin e vellait te tij Gentjan Doda, pasi vellezierit kane jetuar dhe vepruar bashke ne Londer. Ne fakt bandat shqiptare kontrollojne rrjetet e trafikimit te qenieve njerezore ne Britani, por se fundi kane marrë dhe rol drejtues ne trafikun e heroinës.

Dashuria e humbur, vetëvritet me armë çobani

Sipas policisë së Gjirokastrës, viktima humbi jeten pasi qelloi mbi veten ne zemer me një pushke 20-ce. Dyshohet se viktima mund të jetë vetëvrarë ne kushtet e një depresioni të rëndë pas një historie dashurie me një vajze.


Një i ri 23 vjeçar i ka dhënë fund jetës me armë zjarri në fshatin Shtepëz i vjeter në komunën Picar në Gjirokastër.


GJIROKASTER-Një i ri 23 vjeçar i ka dhënë fund jetës me armë zjarri në fshatin Shtepëz i vjeter në komunën Picar në Gjirokastër. Sipas policisë së Gjirokastrës, viktima Klodian Alushi kishte humbur jetën si pasojë e plagës që kishte marrë në zemër me një arme zjarri tip pushke 20-ce. Policia e Gjirokastrës e cila filloi menjehere veprimet hetimore per zbardhjen e plote te ngjarjes dyshon se viktima mund të jetë vetëvrarë ne kushtet e një depresioni të rëndë pas një historie dashurie me një vajze. Viktima banues në Seman te Fierit u gjet në një shtëpi të braktisur të fshatit Shtepëz të cilën ai e përdorte për të jetuar pasi punonte si coban në këtë fshat.

Konfiskohet ari në vlerë 500 mijë euro







Nga Nebih Maxhuni

(Update) Dyshohet se ari i konfiskuar dhe gurët e çmuar kapin vlerën prej 500 mijë eurosh Aksioni për bastisjen dhe kapjen e të dyshuarve sipas policisë është koduar “Urithi” dhe ka qenë në bashkëpunim me Prokurorinë Speciale të Kosovës.

Arbër Beka thotë se janë bastisur edhe shtëpitë e të dyshuarve shqiptarë në Prizren Vushtrri dhe Prishtinë. Me këtë rast sipas zëdhënësit të policisë janë konfiskuar pesë automjete, revole fishekë, një lap top , para të gatshme si dhe gjësende të tjera që mund të përdoren si prova materiale.

“Gjatë këtij plani policor, policia ka konfiskuar një sasi të konsiderueshme të stolisë së arit dhe gurë të çmuar që vlera e tyre dyshohet të jetë gjysmë milioni euro”, thotë Arbër Beka.


Policia konfiskoi ari dhe gurë të çmuar

Policia e Kosovës ka arrestuar shtatë persona në dy aksione të ndarë në Vushtrri.

Në mesin e të arrestuarve janë dy serb shtetas të Serbisë, një boshnjak që ka jetuar në Serbi dhe katër shqiptarë.

Zëdhënësi i policisë së Kosovës Arbër Beka ka konfirmuar për Express arrestimin e tyre duke mos dhënë ndonjë detaj më shumë.

”Policia ka arrestuar shtatë persona që dyshohet se janë të përfshirë në krim të organizuar”, ka thënë Arbër Beka.

Burime të gazetës kanë konfirmuar se të arrestuarve i është konfiskuar një shumë e madhe e arit si dhe disa gurë të çmuar.

“Besohet se vlera e arit dhe gurëve të çmuar që ka konfiskuar policia kalon shuam mbi 100 mijë “, thotë një burim nga polica .

Policia e Kosovës së shpejti pritet të dal me një komunikatë për media ku do të sqarohen në detaje emrat e personave të arrestuar, si dhe do të ekspozohen fotografi nga ari dhe gurët e çmuar që ka konfiskuar policia.

Arrestohen 7 persona

Policia e Kosovës ka arrestuar shtatë serbë në dy aksione të ndarë në Vushtrri.

Arrestimi i tyre është bërë pas një operacioni i kryesuar nga njësia për Intervenim të parë FIT i ndihmuar nga njësia speciale dhe policë të tjerë civilë.

Shtatë serbët e arrestuar dyshohet se kanë qenë të përfshirë në krim të organizuar.

Arrestimi i tyre ka ndodhur në njëri nga restorantet në Vushtrri rreth orës 22 e 30 minuta.

Zëdhënësi i policisë së Kosovës Arbër Beka ka konfirmuar për Express arrestimi ne tyre duke mos dhënë ndonjë detaj më shumë.

”Policia ka arrestuar shtatë persona që dyshohet se janë të përfshirë në krim të organizuar”, ka thënë Arbër Beka.

Durrës, ish-polici vret 30 vjeçarin

Policia arrestoi autorin Zyhdi Dushku dy orë pas vrasjes.



Një 30 vjecar është ekzekutuar mbrëmë me armë në fshatin Hamallaj të Durrësit.

Një 30 vjecar është ekzekutuar mbrëmë me armë në fshatin Hamallaj të Durrësit. Burime nga policia e qytetit bregdetar thanë për tv NEWS24 se vrasja ndodhi pas një sherri banal për një rulotë plazhi. Viktima, Mariglen Elezi 30 vjec, banues në Tiranë mbeti i vrarë nga 53 vjecari Zyhdi Dushku, banues në fshatin Hamallaj.
Sipas policisë grindjet mes viktimës dhe vrasësit kishin nisur dy ditë më parë, të dielën kur ata ishin zënë për përdorimin e radiove të rulotate.
Rulotat janë makina të vogla lëvizëse të cilat përdoren për shitje ambulatore në zonën e plazhit të Durrësit. Dy autorët pas grindjes së të dielës kishin përfunduar në policinë e Shijakut.
Mesnatën e kaluar, kur viktima i është afruar rulotës së vet, është pritur me breshëri armësh nga 53 vjecari. Mariglen Elezi është dërguar i plagosur në spitalin e Durrësit, por më pas nuk ka arritur t’i mbijetojë plagëve të rënda duke gjetur vdekjen pak kohë më vonë. Policia arrestoi autorin Zyhdi Dushku dy orë pas vrasjes.

Polici sulmon mjekun






Policia e Kosovës (PK), konfirmoi të mërkurën se ka suspenduar dy pjesëtarë të saj, të cilët megjithëse në rroba civile dhe jashtë orarit të punës, kanë kanosur një mjek në repartin e Nefrologjisë të Qendrës Klinike Universitare të Kosovës (QKUK).

“Dy të dyshuar që janë pjesëtarë të PK-së (policia kufitare), në rroba civile dhe jashtë detyrës zyrtare, kishin sjellë prindin e tyre për kontroll në këtë repart dhe pas një mosmarrëveshje me një mjek në këtë repart e kishin kanosur të njëjtin”, thuhet në njoftimin e policisë. Rasti është iniciuar në stacionin policor “Jugu” në drejtorinë Rajonale të Prishtinës, ku të dyshuarit dhe mjeku kanë dhënë deklaratat e tyre.

Dy zyrtarët policor janë suspenduar deri në përfundimin e procesit të brendshëm hetimor nga Inspektorati Policor i Kosovës dhe Njësiti i Standardeve profesionale të PK-së. Ndaj të dyshuarve është ngritur edhe kallëzim penal për veprën penale kanosje. MSH dënon sulmin ndaj mjekut të QKUK-së

Ndërkohë, Ministria e Shëndetësisë (MSH) dhe Qendra Klinike Universitare e Kosovës (QKUK) dënuan të mërkurën sulmin që ka ndodhur në Klinikën Interne të QKUK-së, ku internisti Ibrahim Rrudhani, është sulmuar në orar të punës nga dy individë civilë, të cilët dyshohet se janë pjesëtarë të Policisë së Kosovës.

Rasti ka ndodhur në mëngjes dhe në kohën kur mjeku i sulmuar ka qenë në orar të punës, ndërsa QKUK i ka njoftuar për këtë sulm organet e rendit, të cilave u është kaluar rasti.

Për Ministrinë e Shëndetësisë, janë të papranueshme rastet e kërcënimeve dhe sulmeve fizike ndaj personelit të QKUK-së dhe institucioneve të tjera shëndetësore në vend.

MSh kërkon nga organet e rendit që të zbardhin rastin e sotëm dhe rastet e tjera, të sulmeve ndaj mantelbardhëve, duke sjellë para drejtësisë sulmuesit, ndërkohë që nga qytetarët kërkohet që të kenë mirëkuptim dhe respekt për punën dhe dinjitetin e punëtorëve shëndetësor, të cilët brenda kushteve dhe mundësive që kanë po ofrojnë shërbime shëndetësore për të gjithë qytetarët e vendit pa dallim. (KosovaLive)

Në arrest
30 ditë paraburgim u është caktuar masa e arrestit shtatë personave të arrestuar të dielën në një hotel në Vushtrri. Ata dyshohet se kanë kryer veprën penale krim të organizuar, shitblerje të narkotikëve dhe vjedhje të rënda. Masa e paraburgimit atyre u është caktuar të martën në Gjykatën e Qarkut në Prishtinë.




Nga Dafina Myrtaj

Shtatë personave të arrestuar një ditë më parë në një hotel në Vushtrri, të martën në Gjykatën e Qarkut në Prishtinë u është caktuar paraburgimi me kohëzgjatje prej 30 ditësh.

Që të gjithë të arrestuarit: tre shqiptarët; Haki Jonuzi, Abedin Beka, Afrim Ymeri, dy boshnjakët Artan Jelliq, Erhan Brniçanin, si dhe dy serbët, Nebojsha Bojoviç dhe Dushan Kadijeviç dyshohen se kanë kryer veprën krim të organizuar, përdorim dhe shitblerje të narkotikëve dhe vjedhje e rëndë.

Pas vendimit të gjyqtarit të procedurës paraprake, avokatët mbrojtës të të akuzuarve kanë paralajmëruar se do të parashtrojnë ankesë në Kolegjin e Gjykatës së Qarkut në Prishtinë.
Me këtë rast, avokatët kanë kërkuar që lënda e këtyre të akuzuarve të bartet në Gjykatën e Qarkut në Mitrovicë, kjo, sipas tyre, për faktin se arrestimi i të dyshuarve është bërë në qytetin e Vushtrrisë e që bie nën kompetencën e kësaj gjykate.

Po ashtu bëhet e ditur se kërkesa e dytë e avokatëve mbrojtës ka qenë që të kenë qasje në dosjen penale. Megjithatë, që të dy këto kërkesa janë refuzuar nga gjyqtari i procedurës paraprake.

Për këtë avokati mbrojtës i të dyshuarit Afrim Ymeri, Florin Vërtopi thotë se gjatë kësaj seance gjyqësore nuk është vërtetuar që klienti i tij ka kryer veprën penale me të cilën dyshohet, pasi që, sipas tij, nuk ka pasur qasje në dosjen e veprës penale.

“Mendoj se baza e dyshimit për kryerjen e veprave penale për të cilat klienti im, Afrim Ymeri dyshohet sot në këtë seancë gjyqësore nuk është vërtetuar sepse nuk kemi pasur qasje në dosje dhe është debatuar në seancë vetëm në mënyrë formale. Prandaj mbi këto baza do t’i drejtohem me ankesë Kolegjit të Gjykatës së Qarkut në Prishtinë”, tha avokati Florin Vërtopi.

Arrestimi i shtatë të dyshuarve është bërë dy ditë më parë nga Drejtoria Kundër Krimit të Organizuar e Policisë së Kosovës në bashkëpunim me Njësinë për intervenim të parë (FIT).

Aksioni për arrestimin e tyre është kryer rreth orës 21 të së dielës. Ai ka qenë në koordinim të plotë me Prokurorinë Speciale të Kosovës.

Policia thotë se gjatë arrestimit ka arritur të konfiskojë stoli ari, orë dore, telefona, para, revole, disa fishekë, pasaporta si dhe ka konfiskuar pesë automjete të personave të arrestuar.

Policia beson se vlera e arit të konfiskuar si dhe gjësendeve tjera me vlerë, si telefona të shtrenjtë mobilë, orë dore arrijnë vlerën e gjysmë milioni eurove.

Aksioni për arrestimin e shtatë personave nga policia e Kosovës është koduar me emrin “Urithi”.

Hajnat lidhin taksistin, ia vjedhin makinën







Një taksist 70-vjeçar nga Peja, e ka përjetuar në lëkurën e tij, të hënën mbrëma, dhunën nga dy “udhëtarë”, që kishin hipur në veturën e tij, për t’i transportuar nga Peja në drejtim të Istogut.

Ai i kishte marrë me makinë këta dy “klientë” pa ndonjë dyshim që do t’i ndodhë diçka e keqe, por kur ka arritur në fshatin Rakosh të Istogut, ata e kanë detyruar taksistin të ndalojë makinën.

Pasi ishte ndaluar, ata e detyrojnë atë të dalë nga makina dhe pastaj e marrin dhe e lidhin për një lis, i vjedhin paratë dhe dokumentet personale që kishte me vete dhe ikin me veturën e tij në drejtim të panjohur.

Edhe pse të dyshuarit nuk kanë qenë të maskuar, por as të armatosur, policia deri tash nuk ka të dyshuar dhe nuk ka arritur t’i bjerë në gjurmë makinës së taksistit, raporton KosovaLive.

Itali: Arrestohen 4 shqiptarë për drogë





Ndalimi u bë pas një ndjekjeje të gjatë nga roja bregdetare e "Guardia di Finanza" falë përdorimit të helikopterëve dhe një avioni. Katër skafistët u arrestuan.

Një gomone e cila transportonte mbi 300 kilogram mariuhanë është sekuestruar nga forcat e Guardia di Financës italiane në kanalin e Otrantos, që lidh Shqipërinë me Italinë, me ç’rast janë arrestuar edhe katër shtetas shqiptarë.
Policia italiane konfirmon se katër skafistët e arrestuar me drogë janë shtetas shqiptarë. Emrat e tyre ende nuk janë bërë të ditur por thuhet se ata kanë tentuar të arratisen duke ndezur motorin e gomones për tu larguar.
Një njësi ajrore dhe detare e "Guardia di Finanza" të qytetit jugor italian, Puglia, identifikoi një natë më parë në Kanalin e Otrantos, një gomone me katër persona që po transportonin më shumë se 300 kilogram lëndë narkotike, njoftoi agjencia italiane e lajmeve ANSA.
Varka e vogël, me drita të fikura, po tentonte të zbarkonte në brigjet e Salentos. Ndalimi u bë pas një ndjekjeje të gjatë nga roja bregdetare e "Guardia di Finanza" falë përdorimit të helikopterëve dhe një avioni. Katër skafistët u arrestuan.

Durrës: Arrestohet Fidan Zekaj

Arrestimi në flagrancë i kosovarit u bë sepse u kap duke tentuar në kalojë kufirin përmes pikës kufitare të portit të Durrësit në mënyrë të paligjshme për në Itali, duke paraqitur para autoriteteve një pasaportë jugosllave me Nr.00490018, e cila dyshohet të jetë e falsifikuar.



Forcat e policisë së Durrësit kanë arrestuar në flagrancë 25-vjeçarin Fidan Zekaj, lindur dhe banues në komunën Istok të Kosovës.

Forcat e policisë së Durrësit kanë arrestuar në flagrancë 25-vjeçarin Fidan Zekaj, lindur dhe banues në komunën Istok të Kosovës.
Arrestimi në flagrancë i kosovarit u bë sepse u kap duke tentuar në kalojë kufirin përmes pikës kufitare të portit të Durrësit në mënyrë të paligjshme për në Itali, duke paraqitur para autoriteteve një pasaportë jugosllave me Nr.00490018, e cila dyshohet të jetë e falsifikuar.
U bë sekuestrimi në cilësinë e provës materiale i pasaportës së mësipërme. Materialet e përgatitura iu kaluan prokurorisë së Durrësit për veprën penale të “Falsifikimit të letërnjoftimeve, pasaportave ose vizave” parashikuar nga neni 189/1 i Kodit Penal.

Tiranë, një 45-vjeçar vret babanë

Vrasja ndodhi mbrëmë në Tiranë. Sipas policisë autori 45 vjecar vuante nga sëmundje mendore dhe komshijtë kanë dëshmuar se mes tij dhe babait 80 vjecar ka pasur shumë debate për shkak të paqëndrueshmërisë mendore të djalit. Policia arreston autorin dhe sekuestron armën e krimit.



Policia kur ka mbërritur në vendin e ngjarjes ka gjetur autorin në krah të babait të tij dhe i ka vënë prangat, gjithashtu ka sekuestruar dhe armën e ftohtë me të cilën është kryer krimi.

Një 45 vjeçar ka goditur me mjetë të forta babanë e tij të moshuar duke i shkaktuar vdekjen e menjëhershme. Ngjarja ndodhi në mesnatë në banesën e familjes Shehu, në rrugën “Siri Kodra” të kryeqytetit . Sipas policisë autori 45 vjecar vuante nga sëmundje mendore dhe komshijtë kanë dëshmuar se mes 45 vjecarit dhe babait 80 vjecar ka pasur shumë debate për shkak të paqëndrueshmërisë mendore të të birit.
Policia kur ka mbërritur në vendin e ngjarjes ka gjetur autorin në krah të babait të tij dhe i ka vënë prangat, gjithashtu ka sekuestruar dhe armën e ftohtë me të cilën është kryer krimi.

Plaçkitet KEK-u në Prizren, plagoset arkëtari






Nga Express

Policia në Prizrenit njoftoi sot se është në kërkim të dy personave të dyshimtë, të cilët mbrëmë plagosën një punonjës të Korporatës Energjetike të Kosovës (KEK) dhe lënduan një punonjës të sigurimit. Ata arritën të plaçkitin tërë pazarin ditor, rreth 33 mijë euro.

Punonjësi i KEK-ut, Avdi Temaj, ka marrë dy plumba dhe jeta e tij ka qenë në rrezik, por ai ka mbijetuar pas operacionit që i është bërë në Spitalin e Prizrenit. Një punonjës i një kompanie private të sigurimit, ndërkaq ka marrë vetëm lëndime të lehta trupore.

Drejtori i Policisë rajonale të Prizrenit, Nexhmi Krasniqi, tha për KosovaLive se të dyshuarit e kanë përcjellë punonjësin e KEK-ut, i cili kur ka kryer orarin zyrtar të punës, është nisur në drejtim të një banke për t’i dorëzuar paratë e grumbulluara në arkë gjatë ditës. Të dyshuarit, të hipur në motoçikleta, sipas tij, pas kryerjes së krimit janë larguar në drejtim të panjohur.

Bazuar në informacionet e mbledhura, policia e Prizrenit, sipas tij, ka hartuar planin e ndriçimit të këtij rasti dhe me këtë rast ka zhvilluar një operacion bastisjeje në një kampshtëpizë në fshatin Reçan, ku policia dyshon se mund të jetë baza e plaçkitësve.

“Aty kemi gjetur rreth 20 telefona mobil dhe një sasi municioni, por jo të dyshuarit”, tha drejtori i policisë së Prizrenit, Nexhmi Krasniqi, sipas të cilit, policia është në kërkim të autorëve të kësaj ngjarjeje.

Tiranë: Rikthehen maskat

Rikthehen grabitjet me maska në qendër të qytetit të Tiranës, duke grabitur shuma të mëdha parash.

Një person ende i paidentifikuar ka hyrë i maskuar dhe me një pistoletë në dorë në një agjenci të këmbimit valutor në Tiranë pranë rrugës së “Durrësit” ku ka grabitur një sasi parash prej 1 milionë lekë të vjetra.
Ngjarja ndodhi sot në mesditë kur punonjësi i agjenci ë këmbimit valurot është gjendur përballë një “klienti” që i drejtoi pistoletën.
Nën presionin e armës, punonjësi nuk ka nguruar t’i bindet grabitësit duke i dhënë atij paratë e xhiros.
Fill pasi ka konstatuar largimin e autorit, punonjësi ka lajmëruar policinë.
Forca të shumta të policisë mbërritën menjëherë në vendngjarje për të bërë këqyrjen e provave.
Burime nga policia thanë se ka qenë një person i armatosur dhe i maskuar që ka grabitur dyqanin e këmbimit valutor ndërsa nuk përjashtohet mundësia që ai të jetë ndihmuar nga ndonjë tjetër person i cili dyshohet se e priste në rrugë me qëllim largimin në drejtim të paditur. Policia aktualisht ndodhet në vendngjarje dhe po heton për të identifikuar dhe kapur autorin ndërsa ka marrë në pyetje dhe punonjësit e këmbimi valutor.noa

Hajdutët e Golemit bien në pranga




Policia e Kavajës në bashkëpunim me Drejtorisë e Qarkut të Tiranës kanë arrestuar një grup kriminal që ishte kthyer në makthin e turistëve dhe pronarëve të lokaleve.


KAVAJË - Policia e Kavajës në bashkëpunim me Drejtorisë e Qarkut të Tiranës kanë arrestuar një grup kriminal që ishte kthyer në makthin e turistëve dhe pronarëve të lokaleve. Burime nga policia thanë se janë arrestuar Alban Gosa, 22 vjeç, Klajdi Hasani, 25 vjeç, i dënuar më parë për "tentativë vrasje" si dhe Armand Mustafa, 23 vjeç, nga Rrogozhina, të cilët akuzohen se në bashkëpunim me njëri -tjetërin, në kohë dhe vende të ndryshme, në Kavajë dhe përreth saj, kanë ushtruar aktivitet kriminal në drejtim të vjedhjes së lokaleve të tregtisë, banesave.
Policia tha se ka dokumentuar me prova dhe fakte disa krime të realizuara nga ky grup, ndër to, vjedhjen përgjatë këtij sezoni veror të një lokali në Golem si dhe grabitjen me armë të një emigranti, i cili sapo ishte kthyer nga Greqia.
Gjithashtu, mbështetur në informacionet e siguruara, policia ka dyshime të forta se ata janë autorë në disa vjedhje banesash, kryesisht në zonën e plazhit në Golem.
Gjatë operacionit policor atyre iu sekuestruan me cilësinë e provës materiale edhe disa sende të vjedhura si aparate fotografike dhe digjitale, një kamera si dhe dy makina. Ndërkohë, çështja ndaj tyre i kaloi për hetime të mëtejshme Prokurorisë së Rrethit Kavajë, për veprat penale të "vjedhjes" dhe "vjedhjes me armë" në bashkëpunim.

Durrës: Dy shtetas të Kosovës tentuan kalimin e paligjshëm drejt Italisë



Policia kufitare portale në Durrës ka ndaluar natën e kaluar dy shtetas nga Kosova, të cilët tentuan të kalonin me traget drejt Italisë me dokumente të falsifikuara.
Burime zyrtare nga Drejtoria Rajonale e Policisë së Kufirit dhe Migracionit bënë të ditur se shtetasit Adnan Emini, 26 vjeç, nga komuna e Vitisë dhe Idriz Çerkezi, 34 vjeç, nga komuna e Obiliqit, janë paraqitur në pikën e kontrollit kufitar portal, përkatësisht me një leje zvicerane qëndrimi dhe një pasaportë serbe, që kanë rezultuar të jenë të falsifikuara.
Ditët e fundit ka pasur disa tentativa për kalim të paligjshëm me traget drejt Italisë, thanë burimet e policisë, sipas të cilave, ky fenomen lidhet me rritjen e madhe të numrit të udhëtarëve që shfrytëzojnë këto ditë mjetet lundruese për t'u rikthyer në vendet e Evropës Perëndimore, pas pushimeve verore.
Vetëm gjatë ditës së diel nga porti detar i Durrësit janë nisur drejt Barit, Ankonës dhe Triestes (Itali) mbi 22 mijë udhëtarë me 4 mijë e 600 automjete gjithsej.
Ky port tani pas inaugurimit të rrugës Durrës-Kukës-Morinë, po shfrytëzohet edhe nga një numër i konsiderueshëm bashkatdhetarësh nga Kosova.

Ekstradohet nga Italia i dënuari për prostitucion

Ekstradohet nga Italia Kastriot Frashëri i dënuar me 12 vjet burg se abuzoi me një vajzë duke e detyruar të prostituojë, krim i realizuar bashkë me të shoqen dhe motrën e tij.



Interpol Tirana bëri të ditur se ka ekstraduar nga Italia një shtetas të dënuar dhe të shpallur në kërkim ndërkombëtar për prostitucion.

TIRANË - Interpol Tirana bëri të ditur se ka ekstraduar nga Italia një shtetas të dënuar dhe të shpallur në kërkim ndërkombëtar për prostitucion. Si rezultat i bashkëpunimit të Interpol-Tirana me Interpol-Roma u bë i mundur arrestimi me qëllim ekstradimi drejt vendit tonë i Kastriot Frashërit, aktualisht 41 vjeçar.
41 vjeçari nga Berati, Kastriot Frashëri në bashkëpunim me gruan dhe motrën e tij, kanë detyruar me anë të forcës, shtetasen me inicialet E. A. të ushtrojë prostitucion në Itali.
Për këtë vepër penale, kryer në vitin 1999, Gjykata e Rrethit Gjyqësor Lushnje në vitin 2004 bazuar në prova e ka shpallur fajtor Frashërin për "shfrytëzim prostitucioni" dhe e ka dënuar me 12 vjet heqje lirie. Autori që në atë kohë nuk ndodhej në Shqipëri dhe u shpall në kërkim. Pas 5 vitesh arrati, si rezultat i bashkëpunimit të Interpol-Tirana me Interpol-Roma u bë i mundur arrestimi me qëllim ekstradimi drejt Shqipërisë të shtetasit Kastriot Frashëri

Sarandë, zbulohet baza e falsifikimeve, arrestohet ish-polici





Arrestohet një ish polic falsifikator i një numri të madh dokumentesh zyrtare


Arrestohet një ish polic falsifikator i një numri të madh dokumentesh zyrtare. Arrestimi i 56 vjeçarit Selman Lumani u bë të dielën në qytetin e Sarandës ku u zbulua dhe baza e konsideruar si më e madhja e falsifikimit të dokumentave. Policia arrestoi falsifikatorin, i cili në përpjekje për ti shpëtuar aksionit policor u hodh nga dritarja e bazës ku punonte duke thyer edhe njërën këmbë.
56 vjeçari dispononte 26 vula të institucioneve dhe dikastereve të ndryshme, përfshirë vula të Ministrisë së Jashtme, vule të Ministrisë së Arsimit. të Zyrës Arsimore, Bashkisë dhe komisariatit të policisë së Sarandës, vulë të konsullatës greke në Gjirokastër, vulë të drejtorisë së përgjithshme të policisë greke, të ambasadës shqiptare në Athinë si dhe 9 vula të institucioneve të ndryshme të Greqisë.
Listës së gjatë të falsifikimeve të bëra nga Lumani, i shtohen dhe 30 certifikata të bashkisë Sarandë, 3 vërtetime të gjendjes gjyqësore të Ministrisë së Drejtësisë të paplotësuara, 2 leje ndërtimi lëshuar nga Bashkia Sarandë. Të gjitha këto janë sekuestruar nga policia në cilësinë e provës materiale bashkë me një kompjuter të programuar për plotësimin e certifikatave të gjendjes civile të Sarandës. /news24

Dogana konfiskon 3150 fishekë

Pas zbulimit të municionit, automjeti është kontrolluar në mënyrë detale, por gjatë kontrollit detal doganierët nuk kanë hasur në asgjë tjetër.



Fishekët e zbuluar nga doganierët
Rasti është dorëzuar tek Policia Kufitare në Vërmicë për procedim të mëtejmë.

Prishtinë, 25 gusht
Të hënën rreth orës 22:30 në pikë-kalimin e udhëtareve në Vërmicë të Komunës së Prizrenit njësitet e doganës kanë selektuar për kontroll detal automjetin e tipit Mercedes 190 D me tabela të Shqipërisë të drejtuar nga një shtetas i po këtij vendi i cili hynte në Republikën e Kosovës. Gjatë kontrollimit detal të automjetit të lartpërmendur, janë zbuluar të fshehura nën ulësen e pasme 45 kuti me nga 70 copë fishek (municion) të kalibrit 6.5 mm, gjithësejt 3150 copë fishekë, njofton Dogana e Kosovës. Pas zbulimit të municionit, automjeti është kontrolluar në mënyrë detale, por gjatë kontrollit detal doganierët nuk kanë hasur në asgjë tjetër. Rasti është dorëzuar tek Policia Kufitare në Vërmicë për procedim të mëtejmë. Ky është rasti i tretë i zbulimit të municionit gjatë këtij viti nga Dogana e Kosovës, njoftojnë zyrtarët doganor të shtetit.
B. Toska

Ekstradohet nga Amerika, Gramoz Yzeiri

Gramoz Yzeiri, 38-vjeç nga Fieri është arrestuar në Texas me datë 7 prill të këtij viti ndërsa po hynte ilegalisht në territorin Amerikan, me emrin Adriatik Papa.

Ekstradohet nga Amerika një 38-vjeçar i shpallur në kërkim nga policia shqiptare për një sërë veprash të rëndë penale.
Gramoz Yzeiri, 38-vjeç nga Fieri është arrestuar në Texas me datë 7 prill të këtij viti ndërsa po hynte ilegalisht në territorin Amerikan, me emrin Adriatik Papa.
Por pas krahasimit të gjurmëve i zbulua dhe identiteti i vërtetë i tij duke detyruar autoritetet e Teksasit të kontaktonin me homologët Shqiptarë të cilët nisën procedurat për ekstradimin e të kërkuar gjë e cila u krye mbrëmë.
Burime nga Policia e Shtetit thanë se Gramoz Yzeiri ishte person i shpallur në kërkim ndërkombëtar për veprën penale të vrasjes me paramendim në bashkëpunim dhe armëmbajtjes pa leje.
Gjykata e Shkallës së Parë për Krimet e Rënda, më datë 25 shkurt të vitit 2005, ndaj këtij tij ka vendosur masën e sigurisë ‘Arrest në burg”, për veprat penale të “Organizimit dhe drejtimit të organizatave kriminale, armë mbajtje pa leje dhe municioneve në sasia të mëdha dhe falsifikimit të dokumenteve’.
Gjithashtu Gjykata e Rrethit Gjyqësor Fier, më datë 25 korrik të vitit 2007, ka caktuar masën e sigurimit “Arrest në burg”, për Yzeirin pasi akuzohej për veprat penale të “Vrasjes me paramendim, në bashkëpunim dhe armë mbajtje pa leje”.
Vrasja për të cilën akuzohet 38-vjeçari ka ndodhur me datë 13 qershor të vitit 1998 në vendin e quajtur Lagja “Kastrioti”, në qytetin e Fierit, ku është gjetur i vrarë me armë zjarri Xheladin Qelia.
Nga veprimet hetimore të kryera ka rezultuar se viktima po udhëtonte me një motor i shoqëruar nga shtetasi Sh.J, dhe janë ndaluar nga dy persona, të identifikuar më pas si Gramoz Yzeiri dhe Renato Sali.
Autorët nën kërcënimin e armëve, pasi kanë ndaluar viktimën dhe personin që e shoqëronte kanë qëlluar mbi Xheladin Qelia duke i shkaktuar vdekjen e menjëhershme. Pas kryerjes së krimit janë larguar menjëherë nga vendi i ngjarjes.
Ndërkohë me datë 23 prill të vitit 2004, gjatë kontrollit të ushtruar në banesën e Yzeirit janë sekuestruar 2.5 kilogram lëndë narkotike e llojit heroinë, 3 pistoleta, 2 automatikë, një granat hedhës, sasi e madhe municioni dhe dokumente të falsifikuara.

Arrestohen dhe suspendohen dy zyrtarë policorë

Janë arrestuar dhe suspenduar nga puna edhe dy zyrtarë të policisë, bën të ditur policia e Kosovës.

Më 25.08.2009 njësia e hetimeve rajonale e Drejtorisë së Gjilanit me urdhër të prokurorit publik të qarkut në Gjilan ka arrestoi tre zyrtarë policorë të PK-së.
Të dyshuarit ishin arrestuar pasi që ekziston dyshimi i bazuar se kanë shpërdoruar detyrën zyrtare duke ndihmuar një personit të dyshimtë që ishte person i kërkuar nga policia që të kalojë vendkalimin kufitar në Hanin e Elezit. Në vazhdimësi të këtij procesi hetimor, hetuesit e rajonit të Gjilanit dje (26.08.2009) kanë arrestuar edhe një zyrtar policor që punonte në stacionin policor në Viti për shpërdorim të detyrës zyrtare. Personit të arrestuar me urdhër të prokurorit i është caktuar masa e ndalimit policor për 48 orë dhe i njëjti është suspenduar. Të enjten rreth orës 12:00 është arrestuar edhe një toger - komandant i stacionit policor të Obiliqit.
I njëjti është arrestuar nga hetuesit me urdhër të prokurorit publik me dyshimin e bazuar se ka shpërdoruar detyrën zyrtare dhe për marrje të ryshfetit.
Pas arrestimit atij i është caktuar masa e ndalimit policor për 48 orë dhe i njëjti është suspenduar. Policia e Kosovës është e përkushtuar që në radhët e asaj të ketë vetëm ata zyrtarë që me përkushtimin dhe punën e tyre meritojnë të jenë pjesë e PK-së. Ndaj çdo zyrtari policor, i cili me veprimet e tij bie ndesh me ligjin për policinë ose legjislacionin tjetër në Republikën e Kosovës do të merren masa që varësisht nga pesha e veprës mund edhe të përjashtohen nga puna.

E djeg më qëllim shtëpinë e vëllait

Demush Zefi, Bota Sot


Një zjarr i vënë në një shtëpi është identifikuar si i qëllimshëm dhe që si pasoj kishte gjegjen e kulmit të shtëpisë së vëllait, ka informuar sot zëdhënësi i policisë Bexhet Krasniqi. Rasti ka ndodhur rreth dje rreth orës 18 e 20 minuta në lagjen e re të qytetit, në rrugën “Astrit Bytyqi”. Pasi është marrtë informacioni njësiti i zjarrfikësve ka dalë shumë shpet në vendin e ngjarjes dhe më angazhimin e tyre shtëpia në flakë është lokalizuar dhe brenda një kohe të shkurtër është shuar flaka. Si pasoj e këtij zjarri policia ka konfirmuar se është djegur vetëm kulmi ndërsa për dëmet materiale nuk është konfirmuar. Sipas Krasniqit zjarri në shtëpi është vënë nga dyshohet se e ka bërë vëllai S. T 23 vjeçar i cili thuhet të ketë jetë në kontest pronësoro juridik me viktimën, vëllanë A. T 29 vjeçar i cili momentalisht qëndron më punë të përkohshme jashtë vendit në Holandë. Flaka e madhe në kulmin e shtëpisë ka shkaktuar panik tek fqinjët sepse ekzistonte frika që edhe shtëpitë të tjera do të ndezën. Mirëpo kjo nuk u lejua nga ana e zjarrfikësve të cilët jo vetëm se nuk lejuan të përhapet zjarri por edhe e lokalizuan shumë shpejt. Raste të këtilla të kriminalitetit në mes familjeve po ndodhin shumë herë, ndërsa ky rast është edhe një shembull jo i mirë i kontestit pronësoro juridik që ka mundur të ketë pasoja në njerëz.