Rusët zyrtarë kryesorë të UNMIK-ut në veri

nga **Agim Gashi** Tue Feb 08, 2011 3:10 pm

Rusët zyrtarë kryesorë të UNMIK-ut në veri

Burime të Kosovapress-it nga veriu kanë bërë të ditur se katër misionarë nga Rusia, një misionar nga Ukraina, një serb nga Kroacia dhe një zyrtare me nënshtetësi gjermane, janë zyrtarë të UNMIK-ut që administrojnë veriun e Kosovës.
Sipas të njëjtave burime, Vladimir Anokhin nga Rusia, është ushtrues i detyrës së shefit të administratës së UNMIK-ut në veri të Mitrovicës, ndërsa Lilia Galieva, po ashtu nga Rusia, është përfaqësuese komunale e UNMIK-ut në Leposaviq.
Zyrtari i tretë rus atje është Vladimir Gromov, i cili është përfaqësues komunal në Zveçan.
“Tre rusët kanë edhe një këshilltar. Ai është Andrei Efimov, që vjen nga Ministria e Punëve të Jashtme të Rusisë, dhe i cili njëkohësisht është këshilltar i lartë politik i UNMIK-ut në veri”, kanë thënë këto burime.
Ndryshe, bashkë me rusët, në veri të Kosovës punojnë edhe tre zyrtarë të tjerë të cilët nuk janë nga Rusia.
Sipas burimeve, Kozak Yaroslav nga Ukraina është përfaqësues komunal në Zveçan, Mario Maglov, serb nga Kroacia, është zyrtar për çështje civile në prezencën e UNMIK-ut në veri të Kosovës, si dhe Eva Maria Veliçkoviq, që është zyrtare e cila punon në UNMIK. Ajo ka nënshtetësi gjermane, ndërkohë që nacionaliteti i saj nuk ka qenë e mundur ta përcaktohet.
“Të gjithë këta zyrtarë bashkëpunojnë ngushtë me strukturat paralele të Serbisë në veri të Kosovës, por bashkëpunim edhe më të ngushtë me këto struktura ka stafi lokal i UNMIK-ut atje, që përbëhet nga 99 për qind serbë vendës. Shumica e stafit lokal, që në përgjithësi janë rreth 120, punojnë edhe për strukturat paralele. UNMIK-u ka edhe një bord këshillëdhënës në atë pjesë të Kosovës. Bordi që do të duhej të përbëhej nga përfaqësues të komuniteteve përbëhet prej tetë personash, gjashtë prej të cilëve janë serbë, ndërsa vetëm njëri nga ta është shqiptar dhe një tjetër boshnjak”, kanë thënë burimet e Kosovapress-it, duke shtuar se aktualisht UNMIK-u ka katër projekte të ndryshme shumetnike në atë pjesë të Kosovës, nga të cilat më shumë se 90 për qind të projekteve të propozuara nga komuniteti shqiptar atje janë refuzuar.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30