Reagim i BD të PSHDK-së në Zvicër

Reagim i BD të PSHDK-së në Zvicër

Të heqim dorë nga e kaluara

Në të përditshmen kombëtare „Bota sot“ të datës 16.03.2009, në faqën 16 u botua një shkrim nga kryesia e BD të PSHDK-së në Gjermani i nënshkruar nga kryetari Luz Thaqi. Nën pikën 4. të asaj shkrese thuhet: “Ne si bashkësi e degëve të PSHDK-së në Gjermani jemi në kontakt me Bashkësinë e degëve të PSHDK-së në Zvicërr dhe çdo gjë e bëjm në koordinim të përbashkët”.
Ne si kryesi e BD të PSHDK-së që veprojmë në Zvicër respektivisht unë si kryetar, pas konsultave me shumicën e anëtarëve të kësaj kryesie vendosëm që opinionit të i bëjmë të qartë qendrimin tonë si kryesi rreth çështjes së bashkimit të demokristianëve në një subjet politik.
Nuk qendron ajo që thuhet nën pikën 4, nga se me këtë tentohet me qëllim, që edhe Bashksia e Degëve të Zvicrës të bëhet pjesë e autorësisë së asaj shkrese, gjë që nuk qëndron. Ne si bashkësi e degëve dhe si PSHDK në përgjithësi jemi përcaktuar për bashkim dhe kjo ishte edhe platformë e dalë nga kuvendi i fundit zgjedhor i PSHDK-së. Projekt-strategjia dhe forma se si dhe kur do të ndodhë mbetet kompetencë absolute e të dy kryesive qendrore. Ne e respektojmë kryesinë e Bashkësisë së Degëve të PSHDK-së në Gjermani si dhe kryetarin e saj Luz Thaqin, por mendojmë se tani duhet të heqim dorë nga e kaluara dhe të mendojmë se si të forcojmë dhe faktorizojm demokristianët në Kosovë. Ne jemi të bindur se kjo do të ndodhë nëse jemi të bashkuar dhe fjalën vendimtare ta ketë vota në kuvend. Prandaj ftojmë të gjithë demokristianët që të punojnë dhe veprojnë në favor të bashkimit.
Kryesia e BD të PSHDK-së për Zvicër
Mirash Nrejaj, kryetar