Bashkëjetesa fetare e shqiptarëve-mesazh që duhet përcjellë në botë

nga **Agim Gashi** Mon Jun 27, 2011 7:56 pm

Bashkëjetesa fetare e shqiptarëve-mesazh që duhet përcjellë në botë

“Aspirata e integrimit të Shqipërisë në Evropë është një aspiratë legjitime. Evropa do të pasurohej me kapitalin historik dhe human të Shqipërisë”, këto ishin fjalët mbështetëse të njërit prej personaliteteve në të rëndësishme të Vatikanit, sekretari i shtetit të Selisë së Shenjtë, arqipeshkv Dominique Mamberti në takimin me Kryetaren e Kuvendit të Shqipërisë, Jozefina Topalli.

Duke i uruar mirëseardhjen, Topalli tha se kjo vizitë është një tregues i nivelit shumë të mirë dhe të konsoliduar të bashkëpunimit me Selinë e Shenjtë, që këtë vit shënon plot 20 vjet nga vendosja e marrëdhënieve diplomatike.

Kjo vizitë, tha Topalli është një dëshmi e rëndësisë që ka për dy shtetet tona bashkëpunimi i ngushtë, njerëzor dhe institucional. Është një inkurajim për shqiptarët e të gjitha besimeve në ruajtjen dhe pasurimin e mëtejshëm të traditës së marrëdhënieve të shkëlqyera ndërfetare në vend.

Arqipeshkëvi Mamberti, duke falënderuar Kryetaren e Kuvendit të Shqipërisë për fjalët e saj, tha se është kënaqësi që në 20 vjet kemi ndërtuar marrëdhënie shumë të forta e intensive dhe tashmë mund të shohim frytet e këtij bashkëpunimi.

Topalli e vlerësoi si moment me rëndësi për vendin dhe me vlera dhe domethënie të jashtëzakonshme personale takimin me Papa Benedikti XVI në maj të këtij viti, në ceremoninë e beatifikimit të Papës Gjon Pali II.

Topalli dhe Sekretari i shtetit të Selisë së Shenjtë biseduan mbi vlerën unike të shqiptarëve; bashkëjetesën fetare.

Për Kryetaren e Kuvendit të Shqipërisë kjo vlerë e rrallë është dëshmi e një vizioni perëndimor të shqiptarëve., një mesazh që duhet përcjellë kudo në botë.

Arqipeshkëvi Mamberti tha se kjo vlerë e jashtëzakonshme e shqiptarëve është një aset që duhet promovuar.

Në takim, Topalli kërkoi edhe mbështetjen e Vatikanit për njohjen e pavarësisë së Kosovës, në shërbim të paqes dhe stabilitetit rajonal.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30