Shqiponja, simboli kryesor i FSK-së

nga **Agim Gashi** Thu Sep 08, 2011 12:43 am

Shqiponja, simboli kryesor i FSK-së

Shqiponja bëhet simboli kryesor i Forcës së Sigurisë së Kosovës (FSK) duke u zëvendësuar me luanin që ka qenë simbol i forcës tash e 2 vjet. Me dekret të presidentes së vendit Forca e Sigurisë së Kosovës ka ndërruar të gjitha simbolet e batalioneve dhe njësive të saj.

Dekreti i nënshkruar nga Presidentja Atifete Jahjaga, sipas së cilit u promovuan stemat e reja të njësive të FSK-së është i bazuar në nenin 84 pika 12 e Kushtetutës së Republikës së Kosovës dhe neni 18 paragrafi 3 i Ligjit Nr. 03/L-046, për Forcën e Sigurisë së Kosovës dhe i bazuar në kërkesën e Ministrit të FSK-së Agim Çeku. Po sot u komunikua vendimi që 27 Nëntori, të jetë “Dita e Forcës së Sigurisë së Kosovës”, ditë prej së cilës do të fillojnë të përdoren stemat e reja të Forcës së Sigurisë së Kosovës.

Në kohën kur kjo forcë është e kompletuar dhe po përgatitet të marrë kompetencat e plota ka nisur ridizajnimi i saj që nga simbolet e deri tek struktura. Ndërsa për herë të parë një komandat i trupave paqeruajtëse në Kosovë thotë se FSK-ja është e aftë dhe e gatshme të ruaj stabilitetin dhe sigurisë jo vetëm në vend por edhe rajon.

Në takimin e fundit me pjesëtarët e FSK-së, komandanti në shkuarje i KFOR-it, Erhard Buhler i ka porositur pjesëtarët e FSK-së që të vazhdojnë të shërbejnë popullit dhe vendit me zotim, përkushtim e krenari. Ndërsa krerët e FSK-së ka falënderuar Buhlerin për kontributin e dhënë në ndërtimin e FSK-së.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30