Njoftim për lexuesit e “Botës sot”

nga **Agim Gashi** Mon Sep 12, 2011 8:37 pm

Njoftim për lexuesit e “Botës sot”

(I plotesuar) - Të nderur lexues ju kërkojmë falje për pengesat që i kemi në veb faqe, pasi faqja jonë dhe e juaja “Bota sot” ka patur disa sulme nga disa hakerë, të cilët na kanë vështirësuar tejmase punën tonë. Ju njoftojmë se ju mund të komentoni në shkrimet e vjetra, ndërsa në shkrimet e sotme kemi probleme teknike të shkaktuara nga hakerët. Mirëpo ju njoftojmë se së shpejti gjithçka do të jetë në rregull.

Ju faleminderit për mirëkuptim!

* * * * * * *

Hakerët t’i ndalin sulmet ndaj “Botës sot”

Miliona lexues të Gazetës Kombëtare shqiptare “Bota sot”, ditëve të fundit kanë qenë dëshmitarë të sulmeve të njëpasnjëshme që disa të ashtuquajtur hakerë po i bëjnë edicionit on-line të veb faqes www.botasot.info.
Sulme të tilla ndaj mediumit më profesional dhe më të besueshëm në të gjitha hapësirat shqiptare janë të papranueshme dhe si të tilla janë shkelje e ligjeve vendore dhe ndërkombëtare.
Duke qenë mediumi i parë që informon për gjithçka që ndodh kudo që ndodhen shqiptarët, por edhe lajmet e fundit nga e gjithë bota, miliona lexues tashmë kanë zgjedhur mediumin tonë “Bota sot” që të informohen të parët.
Ky fakt duket se dikujt sikur po i pengon, e kjo dëshmon me sulmet që hakerë të ndryshëm po i bëjnë mediumit tonë. Këto sulme ndaj veb faqes më të komentuar shqiptare janë pritur me shqetësim si nga redaksia ashtu edhe nga lexuesit.
Veb faqja e “Botës sot” ka shënuar rritjen më të shpejtë në fushën e informimit medial në internet dhe përveç se është një ndër veb faqet me më së shumti klikime, është vebfaqja më e komentuar që ka më së shumti komente në artikujt që botohen në veb faqe.

* * * * * * *
Sulmohet përsëri vebfaqja e gazetës Bota sot

Është sulmuar përsëri vebfaqja e gazetës “Bota sot”. Ky është sulmi i dytë brenda kësaj jave ndaj vebfaqes tonë. Kësaj here hakerët sulmues me emërtimin “CYBERMIND” përveç se kanë bllokuar vebfaqen e gazetës www.botasot.info kanë shkruar edhe një porosi që lidhet me publikimin e kabllogrameve të Wikileaks-it.
Për koinçidencë, ky sulm ndaj vebfaqes së gazetës ndodhi rreth orës 2 e 30 minuta të 11 shtatorit të këtij viti që përkon me 10-të vjetorin e sulmit terrorist në SHBA.
Njoftojmë lexuesit tanë se jemi duke bërë përpjekje që sa më shpejtë të riaktivizojmë vebfaqen tone.
Kërkojmë mirëkuptim nga lexuesit dhe komentuesit tanë besnikë.
Shihemi së shpetji në www.botasot.info
Me nderime

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30