Hajro Hajra: Nënë Tereza na Bashkon

nga **Agim Gashi** Mon Nov 07, 2011 9:47 pm

Fotoreportazh nga Arizona

NËNA TEREZE NA BASHKON

Hajro Hajra: Nënë Tereza na Bashkon U1_ShtatorjaNeneTereza

Nga Hajro Hajra

Pos Ditës së Flamurit dhe Ditës së Pavarësisë të Kosovës, prej disa vitesh është Nëna Tereze, është kujtimi i përjetshëm për këtë grua fisnike që i bashkon shqiptarët e Arizonës. E drejta, numri i atyre që vijnë çdo vit në “Parkun Nëna Tereze” (kështu kanë filluar ta quajnë shqiptarët parkun e Bazilikës së Shën Mërisë, ku është e vendosur shtatorja e Gonxhes shqiptare), është mjaft i vogël, po të kihet parasysh se në Arizonë, më mirë të thuhet në kryeqytetin e këtij shteti, në Feniks (Phoenix), sipas fjalëve të kryetarit të Komunitetit Shqiptar “Shqipja e Arizonës”, dr. Arben Laskut, jetojnë nja 500 familje me mbi 2 mijë shqiptarë, nga të gjitha trojet shqiptare. Për fat të keq, nuk është i vogël numri i shqiptarëve që jetojnë në Amerikë, punojnë e shkollohen në Amerikë, gëzojnë të mirat që ua ofron Amerika, hanë bukën e Amerikës, po shpirtin e mendjen, ndërkaq, i kanë në shkretëtirat e Azisë.

Sivjet ishte caktuar dita e diel, 16 tetor për t’u takuar e për ta përkujtuar figurën e pavdekshme të Nënës Tereze në 8-vjetorin e lumturimit. Në orën 11 në Bazilikën e Shën Mërisë, ku ishin vendosur një portret i madh i Nënës Tereze dhe një fotografi e Katedrales së Prishtinës, filloi mesha e drejtuar nga Atë Vincent Mesi, i cili nuk la pa përmendur praninë e dhjetëra shqiptarëve që kishin ardhur për të nderuar shenjtoren e ardhshme, njeriun e gjakut të tyre. Në fund Atë Mesit nxënësi Robert Zef Kalaj ia dhuroi një portret të Gonxhe Bojaxhiut veshur me kostume kombëtare shqiptare, dhuratë e përgatitur posaçërisht për pastorin Mesi nga zonja Lule Lane.

Pas përfundimit të meshës, shqiptarët u drejtuan te shtatorja e Nënës Tereze, që prej tetë vjetësh është bërë një vend pelegrinazhi për shqiptarët e Arizonës. Në fillim parakaluan pranë shtatores, përreth së cilës ishin vendosur lule të freskëta. Në krye ishin fëmijët me portrete të Nënës Tereze dhe me flamuj shqiptarë e amerikanë. Solemnitetin e shpalli të hapur zonja Jeta Hajra, e cila me pak fjalë foli për figurën e madhe të Gonxhe Bojaxhiut, e cila një jetë të tërë ua kushtoi njerëzve në nevojë.

Më pas zoti Gjelosh Gegaj e tha uratën shqip të Nënës Tereze, ndërkaq fjalë rasti mbajtën zonjat Teuta Fleming, Kristina Këlliçi dhe Lule Lane (kjo e fundit është më meritorja për këtë manifestim). Poezi të Nënës Tereze recituan vogëlushja 7-vjeçare Princesha Anton Gegaj dhe Merilin Frroku. Pas përfundimit të ceremonisë që gjatë gjithë kohës u shoqërua me këngë kushtuar Nënës Tereze, pjesëmarrësit u shërbyen me ushqime e pije, që edhe kësaj radhe i kishte sjellë zoti Anton Gegaj dhe, në ndarje, urimi: mirupafshim në takimin e ardhshëm!

Hajro Hajra: Nënë Tereza na Bashkon U1_Femijeshqiptare

Hajro Hajra: Nënë Tereza na Bashkon U1_JetaHajra

Hajro Hajra: Nënë Tereza na Bashkon U1_KristinaKellici

Hajro Hajra: Nënë Tereza na Bashkon U1_LuleLane

Hajro Hajra: Nënë Tereza na Bashkon U1_TeutaFleming

Hajro Hajra: Nënë Tereza na Bashkon U1_PrinceshaAntonGegaj

Hajro Hajra: Nënë Tereza na Bashkon U1_Grashqiptare

Hajro Hajra: Nënë Tereza na Bashkon U1_MerilinFrroku

Hajro Hajra: Nënë Tereza na Bashkon U1_AtVincentMesi

Hajro Hajra: Nënë Tereza na Bashkon U1_GjeloshGegaj

Hajro Hajra: Nënë Tereza na Bashkon U1_ShqiptareMesha

Hajro Hajra: Nënë Tereza na Bashkon U1_PamjeBazilika

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31