Beqir Sina:Festivali i dashurisë e mallit për atdhe që lartësohen krenarinë kombëtare

nga **Agim Gashi** Tue Nov 15, 2011 9:29 pm

Festivali i dashurisë e mallit për atdhe që lartësohen krenarinë kombëtare

BEQIR SINA, New York
NJU JORK: U zhvillua Festivali i XXI-të i Këngës e Valles Shqiptare në Amerikë, organizuar nga Qendra "Nënë Tereza" e Kishës Katolike "Zoja e Shkodrës" në Hartsdale

Lehman College, Bronx, NY : Për herë të 21-të, në komunitetin më të vjetër shqiptarë në Shtetet e Bashkuara, në New York, u zhvillua mbrëmë Fesitivali i XXI-të Shqiptar. Festivali u zhvillua në kampusin e kolegjit Lehman College, në Bronx,i organizuar nga Qendra Kluturore " "Nëna Tereza" e Kishës Katolike "Zoja e Shkodrës". Festivali u ndoqë nga më shumë se 3500 shikues. Në festival morën pjesë më shumë se 200 këngëtar, valltar dhe muzikanë. Festivali Shqiptarë ndjek historinë e festivaleve të mëparëshme në New York, prej kur ato kanë zanafillën e tyre, të organizuar nga kjo kishë katolike shqiptare. Festivali Shqiptar do të paraqesë në të gjitha format e saj muzikën burimore shqiptare nga të gjitha trevat, prej nga Shqipëria, Kosova, Mali i Zi, Maqedonia, Çamëria, Presheva, Bujanovci, Medvegja, Arbëreshët e Italisë, dhe grupet të ndryshme nga Shtetet e Bashkuara, të cilët luajnë muzikën tradicionale popullore shqiptare dhe kërcejnë valle të gjithë krahinave të Shqipërisë.
Shumica e pjesëmarrësve janë të rinj e të reja janë këngëtarë, valltarë, instrumentistë e muzikanë që përfaqësojnë natyrën e pasur dhe të larmishme e folklorit shqiptar, prej nga kan emigruar në Amerikë. Përveç këtyre Festivali Shqiptar në New York, për çdo vjet paraqet kostume dhe këngë të reja tradicionale të trevave të Shqipërisë dhe Kosovës dhe viseve shqiptare në Ballkan. Dhe mbledh së bashku grupe dhe ansamble si dhe klube, e shoqëri kulturore jo vetëm nga New Yorku, por edhe nga shtete të tjera ku jetojnë shqiptarët, Detroiti, Bostoni, Kenektiket, New Jersey, Florida, Pensillvenia, Teksasi, Arizona, Washingtoni, Karolina e Veriut, dhe shtete të tjera.
Në këtë festival marrin pjesë për çdo vjet këngëtarë të njohur shqiptarë, muzikan dhe instrumentistë, skenograf, koreograf, artistë. dhe personalitete të njohura shqiptare të artit dhe kulturës sonë kombëtare, që kanë bërë emër në Shqipëri, Kosovë dhe arenën ndërkombëtare. Festivali zgjatë disa orë dhe sjellë të gjallë një larmi ngjyrash të kostumeve folklorike, të cilat janë pasqyrë e kulturës shqiptare në diasporë, për një audiencë prej mbi tre mijë njerëz. Festivali shihet si "apelë" për të gjithë shqiptarët, pavarësisht të qytetit, krahniës apo trevës ose të origjinës së tyre, të cilët janë krenarë për trashëgiminë e tyre Shqiptare dhe zakonet, traditat dhe kulturën tonë . Qëllimi i Festivalit Shqiptarë është që edhe në të ardhmen ky festival të ndihmojë komunitetin tonë, për të ruajtur kulturën shqiptare në diasporë.
Festival është i sponsorizuar nga Qendra Kulturore Nëna Tereze pranë Kishës Katolike Shqiptare Zoja e Shkodrës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30