E nderojnë amerikanët, nuk ia vendosin fotografinë as kryetarët e komunave

nga **Agim Gashi** Thu Dec 22, 2011 2:00 am

E nderojnë amerikanët, nuk ia vendosin fotografinë as kryetarët e komunave

Është pritur me ceremoni të lartë shtetërore në SHBA, por ka edhe kryetarë komunash të cilët nuk bartin fotografinë e presidentes Jahjaga në zyrat e tyre

Kryetarët e komunave të AAK-së me fotografitë e Ramushit, por jo të Jahjagës

Në pritje!
Kryetari i komunës së Mitrovicës, Avni Kastrati në zyrën e tij nuk mbanë fotografinë e presidentes së shtetit. Zyrtarë për informim të Mitrovicës, pohojnë se një gjë e tillë nuk është bërë me ndonjë qëllim të keq, por ata presin një vendim nga qendra.
Por duket se për zyrtarët[b] e institucioneve qendrore dhe atyre lokale ajo çfarë shkruhet në Ligj ka mbetur vetëm një copë letër dhe asgjë më shumë
Ndryshe nga kolegët e tij komunal që në zyre mbajnë fotografi të komandantëve të luftës, kryetari Kastrati në zyrën e tij mbanë vetëm një monument të Skënderbeut.

Lirie Hajdari-BOTA SOT
Zyrtarë të shtetit nuk respektojnë Ligjin për Protokollin e shtetit

Zyrtarët e lartë qeveritarë, ministra, kryetarë komunash, gjyqtarë e prokurorë, e madje edhe kryetari i Gjykatës Supreme të Kosovës, nuk e vendosin fotografinë e presidentes Jahjaga në zyrat e tyre.

Kanë kaluar më shumë se tri vjet nga skandali që ishte shkaktuar ndërmjet natës së 15 dhe 16 shkurtit të vitit 2008 në institucionin më të lartë të shtetit, Kuvendin e Kosovës, kur punonjës të Kuvendit me urdhër nga lartë ishin detyruar të heqin nga holli i Kuvendit fotografinë e presidentit historik të Kosovës, dr. Ibrahim Rugova. Një veprim i tillë skandaloz dhe i turpshëm në atë kohë ishte dënuar fuqishëm nga LDK-ja, subjekt ky i themeluar nga presidenti Rugova. Por, ishte pikërisht ky veprim dhe reagimet ‘nga të katër anët’ që vulosën njëherë e përgjithmonë vendosjen e fotografisë së presidentit Rugova në Kuvend, madje edhe në sallën e mbledhjes së kryesisë. Një përplasje ndërmjet dy partive më të mëdha, PDK-së dhe LDK-së kishte ndodhur edhe në fillim të këtij mandati qeverisës, kur ministri i Kulturës kishte hequr nga holli i Ministrisë së Kulturës në ditën e parë të punës fotografinë e presidentit të ndjerë dr. Ibrahim Rugova dhe atë të humanistes Nënë Tereza.

(Tekstin e plotë mund ta lexoni në numrin e ditës së enjte të gazetës "Bota sot").

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30