Llapjanët fishkëllejnë kreun e LDK-së

nga **Agim Gashi** Sat Mar 17, 2012 7:25 pm

Llapjanët fishkëllejnë kreun e LDK-së

Dega e LDK-së në Podujevë ka festuar 22-vjetorin e themelimit të saj, me ç’rast janë pajisur me libreza të LDK-së mbi 1350 anëtarë të rinj llapjanë. Në manifestimin solemn ka marrë pjesë edhe Kryetari i LDK-së, dr. Isa Mustafa, fjalimi i të cilit, nga gjysma e pjesëmarrësve është përcjellë me fishkëllima dhe brohoritje me emrin e ish presidentit të Kosovës, Fatmir Sejdiut.

Kryetari i degës së LDK-së në Podujevë, i cili është edhe kryetar i Komunës, ka folur për proceset nëpër të cilat ka kaluar LDK-ja dhe Kosova gjatë 22 vjetëve të kaluara. Veliu, po ashtu ka thënë se LDK me programin e saj nacional e demokratik dhe me intelektualët në udhëheqje mori besimin e shqiptarëve për t’u prirë proceseve për liri, pavarësi e demokraci.

“Edhe në një ditë solemne, si sot, nuk mund të mos përmendem rolin dhe kontributin e pa çmueshëm të LDK-së, bile e pa mëdyshje më të madhin e kryesorin në artikulimin, formësimin dhe institucionalizimin e vullnetit politik e të interesit nacional në rrethana tej mase të rënda me mjete civilizuese e orientim të qartë pro perëndimor. LDK me programin e saj nacional e demokratik, me intelektualët në udhëheqje do të marrë besimin e shqiptarëve të ju prijë proceseve për liri, pavarësi e demokraci. Me lëvizje të LDK-së do të zgjidhej njeriu i letrave dhe i mendimit modern, Dr. Ibrahim Rugova”, ka thënë ai.

Edhe pse brohoritjet dhe fërshëllimat pro dhe kundër kryetarit të LDK-së vazhdonin, Isa Mustafa ka vazhduar fjalimin e tij para qindra llapjanëve për reformat e nisura në LDK.

Mustafa ka thënë se LDK po reformohet dhe po zhvillohet edhe pse ato mund të mos i pëlqejnë dikujt, por, sipas tij këto reforma po bëhen në interes të anëtarësisë së gjerë.

“LDK-së është fut në një rrugë të transformimit, në rrugën e zhvillimit dhe në rrugën e reformave demokratike të cilat po zhvillohen tek ne. Unë e kam parasysh se reformat që po zhvillohen tek ne në LDK mund të mos i pëlqejnë dikujt, por e kam parasysh se këto reforma bëhen në interes të anëtarësisë së gjerë, në interes të rigjenerimit të LDK-së, në interes të rritjes së LDK-së”, ka thënë ai.

Brohoritjet dhe zhurma e krijuar nga simpatizantët e Mustafës, por edhe të Sejdiut zbehën fytyrat e 1350 anëtarë të rinj, të cilët aderuan në radhët e LDK-së.

Të pranishëm në këtë përvjetor ishin edhe anëtarë dhe deputet tjerë nga radhët e LDK-së.

Sidoqoftë, Podujeva dhe në përgjithësi llapi, njihet si bastion i Lidhjes Demokratike të Kosovës. Që nga pas lufta me këtë Komunë ka menaxhuar vetëm LDK-ja.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30