LDK ndërron shtatë kryetarë dege, priten ndryshime në kryesinë qendrore

nga **Agim Gashi** Fri Oct 26, 2012 12:16 pm

LDK ndërron shtatë kryetarë dege, priten ndryshime në kryesinë qendrore

Disa kryetarë të degëve të LDK-së anekënd Kosovës së shpejti do të japin dorëheqje nga këto pozita. Disa degë do të zgjedhin kryetarët e rinj. Kjo për shkak të rregullores së re që duhet të respektohet nga ata. S’do të lejohet më që kryetari i degës së ndonjë komune të mos jetoj në atë komunë. Por, duhet të jetoj në të njëjtën komunë ku edhe është kryetar dege i LDK-së.
Pak ditë më parë LDK-ja e Lipjanit zgjodhi kryetarin e ri, Imri Ahmetin, deputet në Parlamentin e Kosovës. Paraardhësi i tij Naser Osmani ka dhënë dorëheqjen nga kreu i LDK-së në Lipjan, për shkak të rregullores së re të LDK-së, që çdo kryetar dege duhet të jetoj në komunën përkatëse, e jo të jetoj në Prishtinë dhe të jetë kryetar në Lipjan. Sidoqoftë Naser Osmani mbetet deputet i LDK-së në Parlament dhe anëtar i kryesisë qendrore të LDK-së.
Lutfi Haziri kryetar i degës së LDK-së në Gjilan aktualisht jeton në Prishtinë. Edhe ky pritet të dorëhiqet dhe që ta lëshoj këtë pozitë. Edhe Armend Zemaj kryetar i Deçanit duhet ta lëshojë pozitën e kryetarit të degës në Deçan, sepse jeton në Prishtinë. Sikurse dhe Sadri Ferati, kryetar dege në Mitrovicë, por që jeton në Prishtinë. Kohë më parë edhe kryetari i degës së LDK-së në Junik, Ruzhdi Shehu ka dhënë dorëheqjen, sepse ky jeton në Prishtinë, dhe ka respektuar rregulloren e kryesisë së LDK-së.

(Tekstin e plotë mund ta lexoni të premten në publikimin e shtypur të gazetës kombëtare “Bota sot” botimi i Diasporës – Perëndimit)

Abonohuni në gazetën “Bota sot”. Mundësitë e abonimit janë në Zvicër e Gjermani.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30