Kosova i detyrohet shumë Gjermanisë

nga **Agim Gashi** Fri Nov 16, 2012 11:28 am

Kosova i detyrohet shumë Gjermanisë

Gjermania është njëra ndër shtetet që ka dhënë shumë për Republikën e Kosovës, si në ditë të vështira, duke i dalë krah popullit të Kosovës, po ashtu edhe pas luftës, duke investuar dhe duke u bërë kështu promotor shumë i rëndësishëm për zhvillimin ekonomik të vendit. Gjermania, vetëm nga 2007 deri në mesin e 2011-ës, ka investuar në Kosovë rreth 540 milionë euro. Këto vlerësime u dhanë me rastin e një pritje të organizuar për nder të ambasadorit të ri gjerman në Kosovë, Peter Blomeyer.

Lidhur me Odën Ekonomike Gjermano-Kosovare, zëvendëskryeministri i parë i Qeverisë së Kosovës, Behxhet Pacolli, ka thënë se kjo odë tregon se Kosova ende merr frymë gjermanisht, sepse Gjermania i doli krah popullit të Kosovës atëherë kur kishte më së shumti nevojë.

Kurse kryetari i Prishtinës, Isa Mustafa, tha se edhe për kryeqytetin është një ngjarje e madhe puna e Odës Ekonomike Gjermano-Kosovare. Ai ka thënë se kur flitet për Gjermaninë, atëherë mendohet në biznese të forta e serioze.

Ndërkaq, zëvendëskryeministrja dhe ministrja e Tregtisë dhe e Industrisë, Mimoza Kusari-Lila, ka thënë se prezenca e ambasadorit të ri gjerman në Kosovë vjen në kohën kur Kosova ka shënuar përparime të dukshme në ekonomi, që dëshmohet edhe në raportet e organizatave ndërkombëtare.

Kurse krejt në fund, ambasadori i ri gjerman në Kosovë, Peter Blomeyer, i ka përshëndetur të pranishmit dhe ka thënë se Oda

Ekonomike Gjermano-Kosovare ka në gjirin e vet 64 anëtarë dhe sipas tij, kjo është një shenjë e mirë në bashkëpunimin ekonomik gjermano-kosovar.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30