Kosova ka shumë Gadafa

nga **Agim Gashi** Sat Jun 04, 2011 4:17 pm

Kosova ka shumë Gadafa

Kosova ka shumë Gadafa Prishtina_Kosova2143214

Gjatë epokës socialiste të viteve 1970 dhe 1980, qindra prindër në Kosovë i kanë emëruar fëmijët e tyre në emër të liderit libian Muammar Gaddafi, si person që e admironin për qëndrimin dhe përkushtimin e tij ndaj Islamit.

Agjencia e lajmeve “Reuters” ka bërë një reportazh në Kosovë pikërisht me emrat e liderit të Libisë, Muammar Gadaffi.

Siç shkruan kjo agjenci, tani që NATO-ja, përkrahëse e pavarësisë së Kosovës, po lufton ndaj regjimit të Gaddafit, janë kohë të sikletshme për fëmijët me emra të tillë.

“Nënës sime i ka pëlqyer emri Gaddafi pasi që ka menduar se ai është lider i të gjithë Myslimanëve”, thotë studenti i ekonomisë, Gadaf Abdyli, 22-vjeç.

“Unë e konsideroj atë si diktator... beteja për pushtet është gjithçka për të. Ai është diktator që i përket shekullit të kaluar”.

Një zyrtar i ministrisë së jashtme të Kosovës ka thënë se në vend ka më shumë se 100 persona të quajtur Gadaf. Disa prej tyre madje kanë edhe profilet e tyre në Facebook.

“Sipas mendimit tim, nuk është mirë të mbahen emra liderësh, pasi që gjërat mund të ndërrojnë, siç është rasti tani”, thotë Gadaf Latifi, 25-vjeç, një arkitekt nga Prishtina.

Abdyli thotë se nuk ndjehet rehat me emrin e tij, mirëpo nuk do ta ndërrojë pavarësisht sugjerimeve nga miqtë e tij.

“Mendoj se emri nuk ndërton personalitetin, por personaliteti e ndërton emrin”, thotë ai.

Viteve të fundit, prindërit kosovarë i janë kthyer liderëve tjerë politikë për t’i emëruar fëmijët e tyre. Sot mund të gjeni emrat si për shembull, "Klinton", "Tonibler" dhe "Ollbrajt".

Të gjithë këta janë politikanë që luajtën rol në intervenimin e NATO-s në Kosovë në vitin 1999 kundër Serbisë, dhe që shtruan rrugën drejt pavarësisë së Kosovës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30