VIKTORIA XHAKO - STINËT E MIA – KËNGË TË BARDHA DASHURIE - Poezi

nga **Agim Gashi** Fri Nov 08, 2013 8:52 pm

VIKTORIA XHAKO - STINËT E MIA – KËNGË TË BARDHA DASHURIE - Poezi

Nga vëllimi poetik gati për botim “BUKË E HIDHUR”

Në një agim të bardhë tetori, mbushur aroma dashurie, plot dritë,
Një nënë e bukur solli në jetë vajzën e saj flokë kaçurrel,
Të trëdafiltë, të gjatë e të shkathët sa i çuditi të gjitha mamitë,
Dhe nënkon, që e përfshiu në kraharor, me krahët e fortë, të dejtë. 1)

Kështu, me sytë nga dashuritë që më pritën, erdha në jetë,
Për t’i sjellë asaj dashuri të reja, të vlerta të rriten, të vërteta.

Dashuria ime e parë ishte embrion brenda qenies sime:
Dy yjet më të shndritshëm të qiellit qëndisën ballin tim,
Dy pëllumbat më të butë e më të bardhë guisin mbi supet e mia,
Dy lulet më të bukura me aromë të kuqe ushqejnë zemrën time,
Dy bijtë e mi! Më e madhja dashuri e imja!

Kur trupin nuk e njihja akoma e trurin e kisha krejt të bardhë,
Të pashë e nuk kuptova se ç’magji kishin sytë e tu blu.
Ti më fole atë mesditë të kaltër prilli në pranverë,
U binda se veç teje, tjetër dashuri nuk do të lindte këtu
Në zemër, dorën vura mbi të, e mbylla, ta zgjata çelësin,
Ty, i dashur, dashuria ime e dytë, e blertë gjithnjë.

Shkallë të rrëpirta ngjita, zhytur në terr, dallgë përmbytur,
Nga pak hapja syrin, kërkoja dashurinë tënde në ëndrrat e mia,
Një ditë ajo shpërtheu, tajfun i egër, vullkan i zjarrtë, krejt i panjohur,
Prej teje, i dashur, lindi e treta dashuri e imja. Ajo ishte poezia.

Të katër stinët e mia janë këngë të bardha dashurie!

1)Prej dejesh

E diel 13 tetor 2013 ora 19:00
VIKTORIA XHAKO
(ZHORZH SAND)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30