Sahatqija: Partitë në pushtet harrojnë çka është transparenca

nga **Agim Gashi** Tue Sep 23, 2014 7:52 pm

Sahatqija: Partitë në pushtet harrojnë çka është transparenca

Bota Sot | 07.11.2009

Fushata zgjedhore: Partia reformiste ORA

Në kuadër të kampanjës elektorale, Partisë Reformiste ORA prezantoi 30 kandidatët nga lista zgjedhore për asamble komunale në zgjedhjet e nëntorit, me ç’rast drejtues të kësaj partie kritikuan koalicionin qeveritar për shpenzime enorme gjatë fushatës me paratë e buxhetit të Kosovës.
Kryetarja e ORA-së, Teuta Sahatqija, ka thënë të shtunën se kjo parti angazhohet për menaxhim të mirë dhe qeverisje me duar të pastra, realizim të projekteve për kulturën, rininë, sportin, si dhe përkujdesje ndaj pensionistëve.
Ajo tha se ORA ka njerëz të vlerave të cilët me kapacitetin e tyre dinë të realizojnë strategjitë e hartuara nga kjo parti për zhvillimin e komunës.
“ORA për Prishtinën ka vizion për zhvillimin e komunës, ka strategji për realizimin e atij vizioni, ka njerëz të aftë e të përkushtuar që janë në gjendje që ta realizojnë atë vizion dhe ORA i ka duart e pastra për atë vizion për shtet”, tha Sahatqija.
Kreu i ORA-s kritikoi partitë në pushtet për shpenzimet e shumta që janë duke bërë me paratë e buxhetit të Kosovës gjatë fushatës, duke thënë se vetëm për një spot shpenzohen deri në 20 mijë euro në ditë apo 100 rroga mesatare në ditë digjen për të promovuar çrrënjosjen e varfërisë.
“Premtojnë transparencë, premtojnë Evropë, premtojnë menaxhim të mirë të parasë publike në anën tjetër harrojnë t’i përmendin ato miliona që i shpenzojnë gjatë fushatës, harrojnë çka është transparenca brenda partisë së tyre, harrojnë t’i tregojnë nga kanë ardhur ato para, kush iu ka falur, kujtojnë se qytetarët nuk e dinë për raportin e Komisionit Evropian dhe raporte të tjera të cilat pamundësojnë çdo afrim me Evropën me këtë shkallë të lartë të korrupsionit, me këtë mungesë të administrimit publik, me krim dhe me një mungesë të menaxhimit edhe të këtyre buxheteve të vogla e le më të atyre qindra milionave të premtuara që në mënyrë hipotetike do të kishin ardhur”, ka thënë Sahatqija.
Ajo ka kritikuar partitë në koalicion PDK-LDK për premtime enorme të punësimit menjëherë pas zgjedhjeve, duke përkujtuar se këto parti nuk kanë realizuar premtimet e dhëna në zgjedhjet e 2007-së.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30