MPJ ua ndalon stafit komentet politike

nga **Agim Gashi** Mon Sep 14, 2015 1:12 pm

MPJ ua ndalon stafit komentet politike

Punonjësve të MPJ-së u është ndaluar të bëjnë postime politike, të shprehin qëndrime politike, ose të komentojnë për çështje politike në Facebook.
Ministria e Punëve të Jashtme e drejtuar nga Hashim Thaçi ua ka ndaluar stafit të saj komentimin për çështje politike në Facebook dhe rrjetet tjera sociale.
Me të nisur punën, në një mëngjes si sot, punonjësit e Ministrisë së Punëve të Jashtme kanë gjetur në inbox’in e tyre një njoftim nga administrata e kësaj Ministrie, përmes të cilit ata janë njoftuar se nuk mund mund të bëjnë postime politike, të shprehin qëndrime politike, të komentojnë për çështje politike në Facebook apo diku tjetër, përderisa janë në marrëdhënie pune me këtë Ministri.
E gjithë kjo, siç merr vesh Politiko.net, është bërë pasi një pjesë e stafit të kësaj Ministrie, e pakënaqur me politikat e udhëhequra nga drejtuesit e saj, kanë shprehur shpesh qëndrime politike që kanë atakuar Ministrin dhe pjesën tjetër politike të MPJ’së dhe kanë rënë ndesh me qëndrimet politike të shprehura nga drejtuesit e kësaj Ministrie e cila udhëhiqet nga PDK.
Tash e tutje, punonjësit e MPJ’së mund të komentojnë vetëm fotot e dasmave e ahengjeve të ndryshme, natyrën dhe vrapimin, stilin e veshjes, e pa problem edhe ngjyrat e flokëve, por jo edhe protestat e ndryshme, aksionet e VV’së dhe reagimet e opozitës ose debatet e forta për Asociacionin dhe Demarkacionin.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30