Thaçi s’reagoi hiq për sulmin e djeshëm me molotov në Presidencë

nga **Agim Gashi** Sun Mar 13, 2016 6:18 pm

Thaçi s’reagoi hiq për sulmin e djeshëm me molotov në Presidencë

Presidenti në ardhje, Hashim Thaçi, nuk ka reaguar fare për sulmin që ka ndodhur dje në mëngjes në zyrat e Presidencës.
Për dallim prej herëve të kaluara, Presidenti i zgjedhur ka heshtur dhe s’ka shkruar as qëndrim në Facebook.
Por, kur kishte pozitën e Zëvendëskryeministrit, Thaçi bënte përgjegjëse opozitën për veprimet e dhunshme mbi institucionet.
Një reagim të tillë, Thaçi e kishte pasur kur ishte djegur vetura zyrtare e Kryetarit të Gjykatës Themelor, Hamdi Ibrahimi.
“Me këto veprime të kundërligjshme, grupe të caktuara të motivuara politikisht, po mundohen t’i frikësojnë bartësit e këtyre institucioneve dhe t’i destabilizojnë strukturat themelore shtetërore, politike e kushtetuese të Republikës së Kosovës”, kishte reaguar Thaçi, në dhjetor të vitit 2015.
Në atë kohë, ai kishte thënë se as shteti dhe as pushteti nuk fitoren dhe ndërtohen me dhunë por me respektim të vullnetit të popullit.
Ndërkohë, sulmin mbi zyrat e Presidencës e kanë dënuar të gjitha partitë politike. Kanë kërkuar zbardhjen e këtyre rasteve, derisa, Qeveria i ka bërë përgjegjës “përfaqësuesit politikë” për nxitje dhe promovim të akteve të dhunës.
Sidoqoftë, në krejt këtë situatë, Prokuroria e Shtetit dhe Policia po vazhdojnë të mos shënojnë asnjë rezultate në hetimin dhe zbulimin e këtyre rasteve.
Organet e hetuesisë s’kanë arritur të gjejnë asnjë prej autorëve të dëmtimit të pronës private e publike. S’e kanë zbuluar se kush dogji veturat e Hamdi Ibrahimit, Memli Krasniqit, Adem Grabovcit, Ismet Beqirit. S’kanë arritur të gjejnë as autorët e sulmeve mbi shtëpinë e Kryeministrit..

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30