Një libër i ri i Alfred Papuçiut

Një libër i ri i Alfred Papuçiut

Myftar Halili, BOTA SOT
Krijuesit shqiptarë në mërgim

Autori Alfred Papuçiut botoi edhe një libër me interes të shumfishtë me titull „Meditim për shqiptarët, Europën dhe Kombet e Bashkuara“. Në pjesën e parë të librit është një ditar ku përshkruhen vitet e autorit në Nju Jork, Gjenevë dhe vende të tjera, gjatë pjesëmarrjes në punimet e Asamblesë së Përgjithëshme të OKB-së dhe konferencave të shumta ndërkombëtare. Libri „Meditim për shqiptarët, Europën dhe Kombet e Bashkuara“, nga brendia kap një gamë të tërë problemesh, të trajtuara me vërtetësi, por edhe bukur, të diplomacisë dhe të punës me organizatat ndërkombëtare. Siç shprehet shkrimtari Alfred Papuçiu, kultura politike e përfaqësuesve të Shqipërisë pranë Kombeve të Bashkuara, si edhe lidhjet që ata mbanin me vende mike evropiane apo arabe, sillnin si rezultat që ata të përçonin ndjenjat e popullit shqiptar në Shqipëri, Kosovë dhe vise tjera, për një jetë më të mirë, krahas Evropës, Amerikës, apo parimeve të Kombeve të Bashkuara.
Nëse jeni të interesuar ta keni në bibliotekën apo shkollën tuaj, librin dygjuhësh, „Meditim për shqiptarët, Europën dhe Kombet e Bashkuara“ të Alfred Papuçiut ju mund ta siguroni atë pranë tek autori: 00 41 76 412 39 21 (e-mail alfred_papuciusunrise.ch)
tek „Botimpex“ në Tiranë ose në Gjenevë: 00355682059828 (Tiranë) ose 0041767150638 (Gjenevë).
Libri kushton 500 lekë, 10 Sfr., 7 euro + pagesën postare, nëse porositet jashtë Tiranës, Gjenevës, Londrës. Në rast të porosive me shumicë për shkollat, bibliotekat dhe libraritë shqiptare, brenda Shqipërisë apo në Kosovë, Maqedoni dhe vendet evropiane e gjetiu, do të ketë reduktim të çmimit të tij.
M.H.