Këndi poetik i së premtës në diasporë

Këndi poetik i së premtës në diasporë

Dedë Preqi


PUSHIMET VERORE
Kemi pushuar mirë
dhe jemi ç´lodhë,
përsëri erdhi koha
për t´u kthyer në shkollë.
Dikush u rrezit
e u la në det,
dikush i vizitoi
të dashurit e vet.
Pushimet verore
sa viejnë e shkojnë,
si në ëndërra prore
mbresat i kujtojmë.
Mbresa të ëmbëla
mërgimtarët kujtojnë,
kur pushimet verore
në atdhe i kalojne.
VËNI RE FËMIJË
Vëni re fëmijë
rrugën kur kaloni,
sinjalet dhe shenjat
me kujdes i respektoni.
E dini çka thotë
shenja e kuqe në trafik
mos lëvizni para as prapa
se ajo paraqet rrezik.
Kur shkoni në shkollë
me libra e fletore,
respektoni dhe gjyshin
kur iu rrokë për dore.
POETIT
Më pëlqen kur shkruan
rreshta me poezi,
me kokrra gruri i gjuan
zogjët në sheti.
Kur bën vargje të lira
të bukura, të mira,
i ëmbëlton me qershija
që t´i duan më shumë fëmija.
KOSOVA DJE
A gjelbëron ndokund pranvera,
me tanke e pancera,
si grejzat helmuese
plot hilikoptera.
Nëpër rrugët e trishtuara
Të lara me gjak,
militarët si banda të droguara
të përcjellnin në çdo hap.
Burgjet e ngopura
Me të pafajshëm shqiptarë,
Voglushët e njomë të tyre
Të veshur kuq e zi me shall.
Nëpër odat shqiptare
fshehurazi vallëzohet shota,
qafohën me njëri-tjetrin
me zemra të ngrohta,
Plisat e bardhë
të nxirë nga tymi i zi,
me shqiponjën në ballë
“Kosovë, jetën e japim për ty”.