Rizah Sheqiri në një antologji suedeze

Rizah Sheqiri në një antologji suedeze

Prezentimi i krijuesëve tanë në botë



Riza Sheqiri, shkrimtar dhe poet që jeton në Suedi

Anëtari i Shoqatës së Shkrimtarëve të Kosovës, shkrimtari dhe poeti Rizah Sheqiri, përveç që nga viti 1994 është anëtar i Lidhjes së Shkrimtarëve të Suedisë (Sveriges Författrförbund), ai është antarë i Qendrës së Shkrimtarëve të Jugut të Suedisë (Författare Centrum Syd) si dhe antarë i Klubit të Krijuesëve Letrar të Blekinges (Skrivarkluben i Blekinge). Klubi Letrar i Krijuesve të Blekinges është një klub letrar i themeluar në vitin 1963 dhe i cili ka krijuar një traditë shumëvjeçare letrare duke organizuar vazhdimisht aktivitete të ndryshme letrare.
Përveç aktiviteteve të ndryshme letrare ky klub letrar boton revistën letrare ”Groblad” (katër numra në vit) dhe me rastin e jubileve të themelimit, në çdo pesë vjet, e boton një antologji me krijme letrare të antarëve të vetë.
Edhe sivjet (më 2009) Klubi i Krijuesëve Letrar të Blekinges (Skrivarkluben i Blekinge) në vigjilie të shënimit të 45-vjetorit të themelimit e botoi antologjinë ”Solglimtar och återblënk” ”Diellndriçime dhe rishkëlqime” në 200 faqet e kësaj antologjie me krijimet e tyre janë prezentuar 42 krijues e në mesin e tyre me shtatë poezi është prezentuar edhe poeti Rizah Sheqiri.
M.H.

Thirrje bashkatdhetarëve për aplikim për zgjedhjet komunale në Kosovë

Nga Dega e LDD-së në Gjermani

Duke u nisur nga interesat qytetare si dhe e drejta kushtetuese e nënshtetasve të Republikës së Kosovës të cilët përkohësisht jetojnë jashtë atdheut, për të marrë pjesë aktive në zgjedhjet komunale të cilat do të mbahen me 15 Nëntor 2009, për zgjedhjen e strukturave udhëheqëse komunale, kryesia e Degës së LDD-së në Gjermani u bën thirrje të gjithë bashkatdhetarëve tanë që të marrin pjesë dhe të aplikojnë sa më shpejt për t’ia dhënë votën e tyre më të merituarve. E bëjmë këtë pasi që edhe afati për aplikim është shtyrë deri me 15 shtator 2009, andaj ata të cilët kanë të drejtë vote, këtë mund ta bëjnë përmes postës elektronike, duke nxjerr formularët e nevojshëm për aplikim në këtë E-mail adresë: ovpp@kqz-ks.org, të cilët pastaj bashkë me fotokopjen e njërit nga dokumentet e identifikimit personal duhet t’i dërgohen KQZ-së, përmes internetit ose përmes faksit: 00381- 38 552 453.
Komisioni për Informim i Degës së LDD-së-Gjermani

Në fillimin e kampionatit dominuan rezultatet negative

Myftar Halili
Skuadrat shqiptare në Gjermani gjatë kësaj jave


Pamje nga një ndeshje e FC Ilirida Offenbach që startoi mjaft mirë në këtë sezon
Mungesa e futbollistëve, që gjatë muajve të verës ishin për pushime në vendlindje, bëri që disa ekipe të humbin ndeshjet e tyre në këtë fillim të kampionatit dhe disa t´i shtyjnë ato për më vonë.
Rezultatet e ekipeve shqiptare në Gjermani
Offenbach: Ilirida – Spvgg Neu-Isenburg 2:4
St. Augustin: TuS Buisdorf – FCKosova 1:0
St. Augustin: ASV St. Aug. – FCKosova II 13:1
Osnabrück: VfR Voxtrop – SV Kosova 1:1
Osnabrück: SV Kosova II – FC Lok 4:2
Osnabrück: SV Kosova – Osnabr. SC II (G) 0:0
Hamburg: Vor. Wacker II – Kosova 4:1
Hamburg: BC Reibek – Kosova 3:3
Hagen: FC Kosova – Istambulspor 3:0
Hagen: FC Kosova II – TuRa 1872 3:0
Wesseling: FC Kosova – Spvgg Vochen 4:0
München: SV Italia – FC Kosova 3:2
München: ESV München – FC Kosova II 2:0
Regensburg: TSV B. Abb. II – FC Kosova 1:6
Regensburg: SC Sinzig – FC Kosova II 2:0
Frankfurt: FC Kosova – FV Hasuen 3:1
Frankfurt: FC Kosova II – FV Hausen II 2:4
Frankfurt: FC Kosova (A) – JSG Harheim 3:3
Frankfurt: FC Kosova (B) – SG Rot-Weiss 0:6
Frankfurt: FC Kosova (D) – TuS Makabi 0:3
Düsseldorf: GSC Hermes – FC Kosova 0:0
Schongau: FC Kosova – SV Schwabsach 1:5
Bernhausen: KF Kosova – Spvgg Stetten 2:0
Bernhausen: KF Kosova II – Spvgg Stetten II 5:2
Weingarten: Türk SV Wan. – FC Kosova 3:3
Weingarten: Türk SV II – FC Kosova II 12:1
Berlin: FC Liria – Hertha 03 1:7
Berlin: FC Treptow II – FC Liria II 2:2
Berlin: FC Liria (V) – TSV Lichtenberg 3:3
Gütersloh:TuS Friedrichsdorf – KF Drita 2:2
Nürnberg: Gehçrlosen SC – SV Jehona 2:11
Nürnberg: Gehörl. SC II – SV Jehona II 8:1
Kassel: SF 75 – Albanischer FC 3:2
Kassel: Alb. FC II – TSV Zierenberg 1:1
Rosenheim: Ilirida – SV Tattenhausen 5:1
Regensburg: FC Iliria - SV Eitlbrunn 3:3
Trier: Etus Kosova – SG Temmels 3:4
Aibling: FC Dardania – Türkspor 4:3
Augsburg: KSV Trenk – Atdheu 1:1
Augsburg: KSV Trenk II – Atdheu II 2:1
Köln: Besa – Casa Espana 4:3
Giessen: GSV Hellas – FC Besa 3:2
Sundern: 2 Korriku – SV Affeln 1:1




Në ligat amatore të futbollit në Gjermani në këtë sezon garojnë 28 klube shqiptare me gjithsejt 48 ekipe. Klubi që ka më së shumti ekipe sivjet është FC Kosova nga Frankfurti e cila garon me 6 ekipe: Ekipi i parë në Kreisoberliga, që është liga më e lartë ku garojnë skuadrat shqiptare (së bashku me FC Liria të Berlinit), ekipi i dytë n’ë Kreisliga B si dhe ekipet e juniorëve A, B, C e D. Kosova e Frankfurtit dhe Liria e Berlinit janë sivjet dy skuadrat e vetme shqiptare që garojnë në Kreisoberliga që është kategoria e 8-të gjermane nga gjithsej 12 kategori. Skuadrat tjera garojnë që nga Kreisliga A die në C e diku-diku sipas landeve gjermane ligat janë të emertuara si Kreisklasse.
Pos ekipeve të para, 10 klube shqiptare kanë edhe ekipet e dyta: Kosova St. Augustin,Kosova Osnabrück,Kosova Hamburg, Kosova Hagen, Kosova München, Kosova Frankfurt, Kosova Bernhausen, Liria Berlin, Jehona Nürnberg dhe Atdheu Augsburg. Dy klube kanë ekipet e juniorëve: Kosova Frankfurt (4 ekipe nga A deri në D) si dhe Kosova Osnabrück (G), kurse vetëm FC Liria Berlin ka ekipin e veteranëve.
Fundjavën që shkoi u zhvillua java e rregullt në ligat amatore në Gjermani ku sivjet garojnë 48 ekipe shqiptare. Në të gjitha ligat amatore në këtë javë ndeshjet e tyre i zhvilluan 43 skuadra shqiptare, prej të cilave 12 shënuan fitore, 13 barazuan dhe 18 pësuan humbje. Në disa liga u zhvillua java e 6-të, kurse në disa liga siç janë ato në Baden-Württemberg u zhvillua java e parë. Rezultatin më të mirë në këtë javë e arriti SV Jehona nga Nürnbergu e cila mundi skuadrën Gehörlosen SC me rezultat 11:2. Me rezultate pozitive në këtë javë dolën edhe SV Kosova Osnabrück, dy ekipet e Kosova Hagen, Kosova Wesseling, Kosova Regensburg, Kosova Frankfurt, dy ekipet e Kosova Bernhausen, Ilirida Rosenheim, Dardania Aibling dhe Besa Köln. Në anën tjetër nga 18 skuadrat që kokëulur e lëshuan fushën humbjen më të thellë e psëuan futbollistët skuadrës së dytë të Kosovës nga St. Augustini që pësuan 1:13 dhe ata nga Weingarten të cilët u munden me rezultat 12:1.
Kur jemi të dy skuadrat më të mira shqiptare në Gjermani, FC Kosova Frankfurt dhe Liria Berlin ato në këtë javë patën rezulate të ndryshme. Deri sa FC Kosova nga Frankfurti në ndeshje kampionale mundi skuadrën kundërshtare TV Hausen me rezultat 3:1 dhe u përforcua në pjesën e epërme të tabelës, skuadra nga Berlini në këtë javë zhvilloi ndeshjen e xhiros së parë të kupës dhe menjëherë u eliminua pasi që për kundërshtar pati një skuadër më të mirë siç është Hertha 03 dhe ajo këtë ndeshje e humbi me rezultat të thellë 1:7.
Shikuar në radhitjet tabelare të 48 ekipeve shqiptare që garojnë në Gjermani asnjëra prej tyre nuk gjendet në vendin e parë. Disa prej tyre momentalisht mbajnë vendet e dyta në tabelë dhe ato janë: FC Ilirida Offenbach, FC Kosova St. Augustin, FC Kosova Hagen, FC Kosova Regensburg dhe SV Jehona Nürnberg, kurse skuadrat me start më të dobët në këtë sezon janë Besa Giesen, Klubi nga Kaseli dhe FC Kosova II nga Regensburgu të cilat në të gjitha ndeshjet e zhvilluara (dy të parat nga 4 dhe e treta 5) kanë pësuar humbje dhe kështu gjenden në fundin e tabelave të ligave përkatëse, kurse pos këtyre tri ksuadrave edhe: FC Kosova II St. Augustin, Kosova Schongau, Kosova Weingarten, FC Liria (veteranët), Etus Kosova dhe 2 Korriku Sundern ende nuk kanë shënuar asnjë fitore. Kur jemi të këto skudra befason starti shumë i dobët i skuadrës nga Trieri e cila si kampione e vitit të kaluar garon në një kategori më të lartë, porse kjo nuk mund të jetë arsyetim për humbjet e pësuara.
Duke pasur parasysh se shumë bashkatdhetarë kanë shfrytëzuar pushimet verore për të vizituar vendlindjen e më këtë edhe vet futbollistët, disa skuadra në këtë fillim të kampionatit kanë qenë të hendikepuara në mungesë të futbollistëve të mjaftueshëm për të zhvilluar ndeshjen. Për këtë, skuadra Drita-Kosova nga Ludwigsburgu ka shtyrë ndeshjen e parë të sezonit që është dashur ta zhvillojë të dielën e kaluar.
Shpresojmë se në javët e ardhshme skuadrat shqiptare në ligat e ndryshme gjermane do të kenë rezultate më të mira dhe më këtë të përmirësojnë sadopak gjendjen e tyre jo të mirë në fillimin e sezonit.